一般家用約$580的printer 可否連接多部電腦共享? 如果不可以的話又那些才可以? 怎樣安裝? 請詳細說明

(1)共用打印機是操作系統的功能，和打印機的價錢平貴沒有關係。當然，貴一點的打印機如果自設網路打印接口，那就設定時較簡單和flexible。
方法一、Sneaky Net共用：A/B電腦須要打印時只要拔線，移機，接到另一台電腦。
方法二、PIK PARK Net共用：買一個A/B Switch Box，(要跟翻部printer係乜接線，如LPT或usb或SERIAL)，邊個要用時PIK PARK一聲轉接線。
方法三、ETHERNET共享。再可細分[A]直接把兩部腦用LAN線相連(最平，不過條線要CROSS的)[B]買一個HUB，接晒上去。[C]買一個ROUTER，除可分享上網，又可以接埋晒一齊。[A]不約廿皮[B]大約五六十皮[C]大約百零蚊。
直接接PRINTER的腦要設定共用PRINTER，另一部腦只要新增打印時，選網路打印機，把名稱指到第一部腦。

(2)寫明有FAX功能梗係可以自行收發傳真啦，大部份仲送埋個SCAN功能畀你添。不過要提下你，你要接一條家用電話線先可用。(唔好笑呀，好多人以為佢可以唔駛接線，或者可經電腦經INTERNET出架！)(你仲笑?你真係唔明！)

(3)加個Wireless Card，座枱機可以用pci插卡(內置)或usb。手提電腦可以加usb，或者pcmcia卡之類。總之係支援802.11就得。but wait，仲有，你屋企都要個wireless router，或者你可以用樓上樓下隔籬左右的router。

(4)冇野叫 rounter，counter就係收錢個櫃位。router係網路中的硬件，專門負責網路資料的流向。一般人叫佢做寬頻分享器。

(5)噴墨機的最高速度列印文件係呃人的，佢冇計算到列印頭左右fing的時間，只計送紙，而且又冇講收到資料到開始列印的延時。雷射打印就係PAGE PRINTER，一出就成張出，而且一般buffer大，收料快。