禮金問題,苦惱人,求大家幫幫手

不擺酒的話8萬都算合理，因為如果擺酒，女方家長都會拿回幾圍酒席，所以其實8萬元只等於人地6萬元加酒席，是合理的。

但如果你打算於婚後把整份人工都給母親，現在給6萬都足夠了，計計條數，其實都應該ok的....

不過你打算於婚後把整份人工都給母親又是否太多呢? 第一，你都要留番一些私己錢給自己用吧，唔通真的下下有事都要問老公拿? 第二，如你老公所說，大家要為將來的家庭努力! 孝順是應該，但也要量力而為，對嗎?

說實在，你媽媽最想要的其實不是錢，她有了你們的錢但大家都不快樂，她又會快樂嗎? 作為一個母親，最想看到的，還是自己的兒女健健康康，幸福快樂，有時間會多回來探望自己。 :-)

阿媽講出价錢，通常都不改了，否則討價還價不是咁好，女儿可私下同阿媽講

比8萬了，發發 聲，好意頭，相信阿媽不會反對。男方比得出的，你就不要私

貼了，后生仔，大把世界，成家立業 --- 先成家才立業，一生人一次大方、體

面些，第二時阿媽睇女婿的眼光都唔同，她會覺得女女找了個好丈夫。相反，

慳下4萬，又不會發达，傾到賣女咁，你咁孝順，在中間很難過的。但男方實在

冇咁多，你就加2萬了。至緊要三方都開心。

祝你幸福

過唔到自己哥關?即係代表你屋企確實係買囡!!!!!
老人家咁大根本唔需要咁多錢...
而你同男友仲有你地既將來..
需要既流動資金一定會好多...
如果..你感樣唔體諒佢...
反而因為要執著一生人一次..
堅持比一個根本付唔起或過大既金額..
根本..太過看錢去吧...
擺酒係儀式黎咋其實....
如果你媽媽係真係愛你...
根本唔會計較收幾多禮金....
同埋..唔通嫁左人..你就唔會再比家用..
唔會再照顧你既父母咩....????!!!!

你倆婚前已有這些問題, 若處理得不好, 將來有什麼 呀咬 一定會把這件事的不滿宣洩用來理據傷害對方; 建議你必須冷靜處理好; 如按你所說講唔掂就分手; 看來你倆的思想都是很匆動,

你不如跟你亞媽講出你們的經濟狀況, 亦說明結婚後仍然給她錢養佢, 看看佢可唔可以要少一點, 錢銀多少都係意頭, 唔係必然的, 很多朋友的家人象徵式要1, 2萬已可! 佢要 10萬你倆經濟又唔係可以負擔, 似乎真係多左D!

問題可能係係你亞媽的要求上, 要你倆 10萬, 即係迫你地去死; 把經濟狀況同佢講, 佢應該明白的!

請跟男友一起商量以下細節, 莫因財失愛便無謂了.

事前準備:

1. 先清楚自己跟女朋友嘅緍禮要有甚麼元素 e.g. 擺酒選酒樓/酒店, 影唔影結婚相, 去唔去渡蜜月, 多唔多朋友(特別係姊妹)

2. 清楚女家經濟環境 e.g. 有冇欠人錢

技巧:

1. 不能說的一個字: '不', 所有事都只能講, 我要諗諗先, 我要好好計劃下等等... (目的: 一口拒絕, 女家聽到一定唔高興, 你話要諗, 佢都會反省下, 係咪自己要求太多, 同埋可以開個門口, 將來同佢講下'藉口')

2. 不能說你心目中的價錢, 傾禮金仲難過傾生意, 因為無市價可以參考. 點都係等女方家長開價. 你做嘅係等佢一步步減到你倆個心目中嘅價錢 (目的: 會有意想不到嘅情況發生, 佢開十萬, 你還五萬, 女家事後可能都好高興, 但小弟朋友嘅經驗, 係人地最初開十萬, 然後自動自覺減到兩萬) (另一個理由係, 唔會俾女家一個感覺係自己收少咗禮金, 要做到, 女家心甘情願唔收你錢之餘, 仲要驚你唔夠錢洗)

3. 拖... 講到禮金, 既然你唔能夠說'不', 當然也不能立即說'好', 第一次傾完, 話返去諗下先, 之後唔好再提, 就算去開女朋友屋企食飯, 自己都唔好提, 最遲兩個禮拜, 女方家長就算唔直接問你, 都會問下個女, 點解你一啲聲氣都無... 到時就開始心亂... (目的: 使其心亂, 心亂就會動搖, 心亂就唔夠定力, 我諗你都試過買啲唔想買嘅貴嘢, 就係因為俾個sales攪到你心都亂晒, 你先自動自覺攞張卡出嚟俾人碌~)

4. 行完婚紗展, 最好係早啲送女朋友返屋企, 然後拿晒啲單張出嚟睇討論, 把最貴最靚嘅都拿晒出嚟, 用你嘅方法, 去吸引未來外母, 如果有的話就叫埋佢啲家姐妹等, 總之叫晒佢全屋嘅女人出嚟一齊去睇, 無論啲嘢你覺得幾貴幾唔合埋, 你都唔好提價錢, 只講佢靚定唔靚, 你討論嘅只係靚定唔靚, 唔係價錢 (目的: 等女方心中有數, 結婚除了禮金, 仲有咩錢要洗, 為下次傾禮金做準備) (另外, 大多數老一輩, 其實都唔知今時今日結婚有咩錢洗, 好似結婚相, 佢地個年代, 去影樓影幾張相only, 唔會用得上萬幾兩萬ga, 你用口同佢講, 不如俾佢睇啦)

5. 講價大原則係要維護女家'面子'為先, 中國人, 出晒名係: 寧要面子唔要褲子嘅民族 [大國崛起講嘅],
e.g. "我同你個女結婚, 我都想個婚禮攪得好好睇睇, 話晒結婚一生人一次, 我都唔想你個女嫁得失禮... 但係, 禮金方面已經用咗咁多, 我budget就只有[20萬]... 咁樣, 我同你個女結婚唯有慳啲... 擺最平嗰個菜...我希望你地女家啲親戚唔好介意..." (目的: 要提升女家對擺酒嘅要求, 要佢覺得擺酒擺得好係女家有面, 當佢幻想緊自己個女嫁得幾咁有體面嘅時候, 一腳踏返佢去現實, 錢... 緊記銷死budget, 假設佢一開口要你十萬, 你就銷死budget 廿萬, 你定嘅budget就係講價嘅關鍵, 無budget係理財最大陷阱)
e.g. "其實我同你個女都想影結婚相, 不過大大話話都萬幾兩萬蚊... 最多擺酒嗰日, 無相俾啲親戚睇啫, 我諗佢地都唔會問出口嘅..." (目的: 要佢覺得結婚相好緊要, 外父, 你要佢認同無結婚攞出嚟係失禮就行, 外母, 最好聯同女友家姐, 妹妹等女人勢力, 一致認同結婚相影得靚就係幸福嘅表現, 因為上一輩老人家未必覺得結婚相係必要, 大多數係阿媽會住你地影完嘅相去同啲三姑六婆講, 先開始慢慢覺得啲相好靚~)
e.g. "我同你個女都諗過, 結婚之後住邊, 本來都想住近啲返工嗰度嘅, 諗住買個細少少單位, 不過而家啲樓價又升得咁快, 同97嘅時差唔多咁貴... 唉, 原來搵個地方住都咁難... 我唔想結完婚一個仙都無, 都係求其搵個地方租住先, 遲些再打算啦..." (目的: 俾佢清楚知道, 自己唔係無錢娶你個女, 而家無錢買樓... 中國人思想大多數都比較傳統, 大多數認為買咗樓先叫做有個家... 當然, 開通一點, 就會叫你租數住好過啦, 但大多數都會話, 租數=幫人供樓, 租廿年, 層樓係人地嘅... 自己咩都無... 所以, 說話之中, 要強調, 結婚後想有個屬於你倆個嘅家...去到呢個時候, 如果佢禮金都企硬, 就有點難攪)




後記:
當然啦, 每對情人嘅backgroup都唔同, 無話一兩個方法就攪得掂嘅, 但一般家庭, 只要女家唔係咩有錢人, 又唔係講緊女嘅搵錢多過男嘅幾倍, 更唔係奉子成婚的話, 我諗以上嘅方法一定幫你煩惱緊嘅你~~
good luck!!

甘你靜靜雞比多二萬, 加埋8萬WOR, 比你亞媽都唔算多啦, 你男友家人甘講"買囡"都算過份WOR, 10萬好少WOR.