買銀住盤 ~ 有咩要注意 ?

銀主盤未必比市價樓抵好多, 因一般人常有錯覺, 好多時登出來好平, 其實佢哋有底價. 上年我家人買咗一銀主, 做按揭無一般樓宇自由選擇, 息口無咁多優惠, 另外除起清層樓有無特別及欠債, 因銀行都未必check度. 我家人買咗層樓, 交管理費才發現上手欠1年管理費, 屋苑又唔肯改住戶名, 要求交番上手欠款才可, 真慘!
前排我再留意一銀主, 標價係300萬, 後來我試開價, 最後還我最低380萬, 痴痴哋!

銀主盤是指當物業按了給銀行後(做按揭,即上會,以物業作為抵押向銀行借錢買樓)
業主無錢供款, 銀行會出律師信
若經過數個法律程序後,業主仍未能有錢供款
銀行就會收樓(possession),
收樓後,銀行會變賣(or拍賣)屋內所有物品
物業就會作銀主盤買出,來補償業主之前買樓的借貸和律師費
這就是銀主盤。

其實銀主盤同其他樓盤無分別
買銀主盤時要留意的都跟買普通樓盤一樣
例如,物業一定是要清除晒所有訂契,是 “乾淨”的物業
不過有一點不同的是
銀主盤的業主通常會是債務纒身,
入住時可能會有追數人騷擾(因為佢地未知前業主已搬走)
至於風水方面,有d人會覺得銀主盤是不好風水,才會令人供不起
不過這都是沒有根據,信則是,不信則不是。
還有銀主盤是會平一點的

係香港，銀主盤(distressed property)大多數都係屬於銀行(例如HSBC, 恆生等)，亦有一些屬於財務公司，因為一般人都會把樓宇按給這些財團。

樓上的那位朋友可能有些誤解，因為其實銀行們一收到銀主樓，無論是豪宅或自置公屋，他們都一定會放出街賣的! 其實以上提到的兩大銀行(另外還有多個財團)，都已經把售賣銀主盤這個服務外判到香港某大測量師行。即是說，如果你在街外的地產代理手中買到的銀主盤，其實都是由這測量師行所放的。

再提提你啦，在這測量師行買賣銀主盤是不收佣金的，反之透過一般地產代理買銀主盤則要收取佣金。如果你想知道更多新銀主盤的資料，你可以看該測量師行於經濟日報地產版的廣告呢!

還有，如果你要找地產代理，大行跟小行都沒有問題，只要你自己提高警覺，事事小心分析，就一定能夠搵到合適你的屋呢!