熊仔鼠側頭

唔知除左個頭側埋一邊之外,仲有冇其他異常情況?

鼠鼠既頭側埋一邊有以下可能:
1)腫瘤
鼠鼠既頸or頭,生左腫瘤既話,都會令鼠鼠既頭側埋一邊,生在外or內既腫瘤都會有呢個情況
2)腦部問題
有虫入腦or腦部受傷,都有咁既可能
3)中風
鼠鼠中風初時可能只會見到頭部受影響,慢慢可能影響到鼠鼠既行動怪怪,如果遲左唔理,可能會令鼠鼠行唔到
4)耳部感染
耳仔受到感染都會令鼠鼠側頭
5)外傷
如果鼠鼠頸部有外傷,為左就住唔好整痛個位,都會側埋個頭

處理方法:
1,2,3,4點既問題,最好都係盡快睇醫生,延醫有一定既危險,自己實在冇可以處理得到

睇醫生可能要book or如果未即時去到既話,可以做住以下既野先:
a)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
b)保持環境乾爽清潔,避免有更多細菌再令鼠鼠受感染
c)唔好俾風直接吹到鼠鼠,要鼠鼠保持溫暖
d)俾一d有營養既野佢食.可以試下俾d麥片or白麵包佢
e)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

5)外傷既話,留意返個籠會唔會個籠有冇d咩整親鼠鼠,又或會唔會有第隻鼠打傷佢及試下以下方法:
a)有流血既話,用藥用棉花咁住傷口,用外傷既藥同佢搽,小心唔好整到眼耳口鼻
b)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
c)如果係打交,冇受傷既鼠,都必須要仔細檢查一下真係有冇受傷
d)打交既話,兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
e)保持個籠乾爽清潔,避免細菌感染
f)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
g)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦

睇醫生既話可考參考以下資料:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術or嚴重既問題,都可能會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html