改裝開放式廚房(入則和保險, 望專業人士解答 -10分)

首先睇清楚屋契有無列明邊D牆可以拆，邊D唔拆得，正確的講法風力牆及主力牆絕對不能拆，因為幢大廈係靠地基、風力牆、主力牆、震(橫樑)及柱來支撑，大廈樓面負荷靠晒佢，如果屋內想拆嗰幅係紅磚牆、沙磚牆、輕磚牆都可以拆，我遇嗰一個case在淺水灣單位有一個九流設計師，為咗設計美觀，拆咗廚房木門及石屎牆改用玻璃，原來屋契有寫不能除便拆去，要有AP(合資格人士)批准才可以改動，因為廚房石屎牆設計係有2個鐘抗火能力，而木門有1個鐘抗火能力，屋主都唔知，最後補救方法要安裝2個鐘防火玻璃牆及門，駛多幾萬元，屋主律師講，如果唔係，賣樓時比新買家發現可能唔見仲多。

你個case最好睇清楚屋契及問清楚自己家居保險經紀有無問題，一般家居保及火險，樓宇無合資人士許可下改動，可能有權不作賠償。

希望幫到你！

私樓裝修,不改動到主力牆無須申請。
為求萬一出事影響保險,可通知保險公司重新評估後簽過一份新的保單。對自己有保障。