我隻倉鼠點解痾左d屎系綠色架...好驚佢有事....

A.鼠鼠既便便正常係黑色既,除左色既問題,仲有冇過林OR硬呢?睇你話d便便痴住鼠鼠,係咪有肚瀉or便秘既情況?

便便冇異常質地既情況下,有青色既排泄物有以下可能:

1)食左有綠色既食物
食左有綠色既食物都有機會會令便便見到綠色,留意返有冇鼠食物係綠色,有D食物色素太多都會呈現在便便入面

2)受驚
受驚都會有青便既情況,因為膽汁係青色既
如果你兩隻鼠住埋一齊,可能已有打交or其中一隻蝦第隻既情況,如果唔係,就要留意返有冇咩令你既鼠受驚了

建議處理方法:
1)密切留意鼠鼠既排泄物有冇異常多or少,仲睇下有冇太林or硬
2)如兩隻鼠係一齊住,同時要keep住檢查佢地既身體同排泄物有冇其他異常
3)建議只俾鼠鼠食主糧,戒雜食睇下仲有冇咁既問題,不過正常惰況下,我覺得只係俾混合主糧已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病
4)保持個籠乾爽清潔,避免細菌感染
5)鼠鼠似有唔舒服,就要分籠,以免傳染or病既鼠被第隻乘機打死打傷
不過其實如果係一籠多過一隻鼠,最好分籠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦)

便便質地有異常既話,就要留意返佢會唔會有肚瀉OR便秘
你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做

肚瀉既要留意以下幾點:
1)買d止瀉藥加入水度俾佢飲
2)唔好食零食之類,蔬果更加唔可以食啦.可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既,而且俾藥都要分籠先俾到
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)情況都冇改善(2日度啦),就必須睇獸醫處理

B.其實鼠鼠好少會叫到人會聽到既,因為平日鼠既音頻人係聽唔到,到鼠鼠叫到人都聽到既時候,多數都係因為痛苦or驚,加上同時發生咬人既問題,所以真係要好小心睇返你既鼠係受驚定唔舒服,多加留意鼠鼠身體及排泄物有咩問題再盡快處理
被鼠鼠咬到,雖然冇咩危險,但傷口一定要處理既,所以記得消毒同貼膠布呀

都記得留意返會唔會有第隻鼠同佢一齊住,又或最近有冇D咩令鼠鼠受驚,鼠鼠本是獨居動物,所以如有第隻一隻住,都有可能令鼠鼠感到壓力而生病

C.帶鼠鼠睇醫生既話,可參考以下獸醫資料:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexo tic.com/

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org. hk/chi/vet/vetclinic .html
愛護動物協會流動醫療車資料:
http://www.spca.org. hk/chi/vet/moclinic. html

you can not bring him or her go to look the doctor first,because 倉鼠屎系綠色!,Don,t
擔心 la!