擔心鼠鼠病 !! Help

唔知你既鼠係咪用皮膚病外用藥水?用左幾耐呢?甩毛先定腳生粒先?

鼠鼠兩歲大已經老了,好易會出現甩毛生瘡等疾病,但鼠鼠病都唔代表一定會唔多郁,有時初時鼠鼠好似冇咩事咁,往往就係因為咁而延醫,所以就算而家好活潑都唔好輕視問題
有冇得救實在難講,但點都要盡力令鼠鼠過得更好吧

A.甩毛問題
甩到見到紅色既肉唔知有冇生粒粒?如果冇生粒粒而甩毛甩到見肉,就應該係皮膚病,可能因年老抵抗力唔好而甩,亦有可能係佢腳生粒令鼠鼠抵抗力下降
而鼠鼠皮膚病用皮膚病外用藥水一般都要用好耐先會好返,約一個月左右吧,而你既鼠已年老,就可能更難好返,不過皮膚病一般都好少會致命,加上你見到鼠鼠既肚係紅色,唔係藍黑色,最少唔係皮膚癌,反而我擔心你隻鼠腳既粒多D,最好就係帶你既鼠睇醫生,解決生粒既問題,同埋問埋甩毛既問題

唔知你同鼠鼠噴藥之外有冇留意其他問題,可以睇返有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
7)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
8)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
9)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
10)當然可以直接帶佢睇醫生啦

B.腳生粒問題
粒野林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了

瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.
腫瘤既話應該會照下,再做手術整走佢

放膿or整腫瘤都要落麻醉藥(放膿要睇位置同情況),你隻鼠年紀大,所以要考慮清楚先好決定,老左既鼠好難承受到麻醉藥既

你既鼠已年老,唔知你會唔會帶佢睇醫生?睇醫生可能要book or未去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

C.唔係個個醫生係識醫鼠,所以最好揀過先去,以下都係一d醫倉鼠既醫生:

最貴最好:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
基本診金$290,藥及手術另計(加左價)

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

另外以下既醫生都唔錯既:
旺角動物診所 - 梁醫生
九龍窩打老道66號A地下
電話 : 2760-1026
診金大約$250,唔太肯定,有d唔記得,藥及手術另計

夏利維動物醫院 - Dr. Chris,Dr. Michael
天后永興街37號地下
電話 : 2570 6048
診金大約$280,唔太肯定,有d唔記得,藥及手術另計

另外,年老既鼠真係要小心照顧,照顧年老既鼠要留意既事,可參考以下我回答既知識:
http://hk.knowledge.yahoo.com/question/?qid=7007090905156

佢唔係換毛 , 帶去睇獸醫才可確診
大圍珍禽異獸及寵物醫院
地址：大圍積信街69-75號立和樓地下B鋪. 電話： 2687 1030
診金$280,藥費另計..


http://www.taiwaiexo tic.com/
=======



城市獸醫動物及珍禽異獸醫院(荃灣)
地址: 香港新界荃灣大壩街25號地下
電話： (852) 2414 2525 傳真： (852) 2414 2727
網址： www.yp.com.hk/citive t
其他網址： www.citivet.biz.com. hk

我諗應該係換毛掛．．．
如果唔係就要去獸醫度睇囉！！