倉鼠的問題,,,20分

1)人既聲音就應該唔會咁易整聾鼠鼠,但鼠鼠聽覺好敏銳,你都覺得大聲,我諗鼠鼠會覺得更大聲
其實你都驚整聾鼠鼠,點解仲要咁大聲呢?
好大聲鼠鼠講野,會嚇親鼠鼠,令你同鼠鼠既關係愈唻愈差,唔好以為鼠鼠受驚冇咩事,鼠鼠受驚會有機會誘發疾病,例如肚瀉,甩毛,瀉尾症等

就算要鬧鼠鼠,建議你只係態度強硬一點就算,唔好咁大聲,嚇親鼠鼠之餘,仲有機會令你喉嚨痛

2)好多鼠鼠都唔識自己沖涼,係要你幫佢沖,當係"親子活動"都唔錯
鼠鼠就算唔肯沖,都要幫鼠鼠沖,但就唔好大聲鬧or動粗之類,咁只會令鼠鼠更唔想沖涼,俾d耐性同心機啦

同鼠鼠沖涼既步驟:
a) 要將鼠鼠放去第個盆or籠度,我就用養龜仔之類既小缸同鼠鼠沖涼既.
b)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下
如果佢郁唻郁去,你可以一隻手抱起鼠鼠,一隻手將粉整落鼠鼠身
c)用手掃下鼠鼠身上既沖涼粉or由得鼠鼠自己整走都ok.
d)再將鼠鼠整左落唻既粉整多2-3次落鼠鼠身上(用未用過既都可以)
e)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
a)要用沖涼粉,唔可以用水,唔係好易令鼠鼠感冒既.
b)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
c)盡量避免沖涼粉整到鼠鼠既眼耳口鼻

3)正常既倉鼠都會有尾,但就好短,但都有d基因上既問題,而一出生就冇尾

4)鼠鼠接觸到可保暖既物品時,都會用唻整住自己身體,咁係好正常既反應,紙巾就唔會焗死鼠鼠,但用紙巾唻過冬天,就唔足夠

凍既時候,可以用鼠專用棉,同埋用多d木糠,再放鼠鼠去適當既位置,一般在室內,其實都會夠暖

萬一真係凍親鼠鼠就要留意:
野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果真係都好凍,就要馬上睇醫生了

不過放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就ok了

5)飲自來水較易令鼠鼠肚瀉,可能你既鼠飲左好耐都冇事,但始終唔係咁好,而且都冇理由有事先唻改變吧?所以最好就係飲熟而夜涼既水俾鼠鼠飲,唔難做到又安全d

http://web.hku.hk/~laucandy/hamster%20have%20babies.htm

1唔會2會唔肯3唔會無尾?4唔會焗襯嫁5無問題

1)唔好成日對隻鼠鼠好大聲講野．．
佢唔會遲ｄ聾聾地, 但鼠天生膽小,你會嚇到佢,佢會成日躲起來

2)佢成日沖涼都轉兩下都算ok啦.
你常對隻鼠鼠好大聲講野=嚇到佢唔敢在你面前轉多d.

3)隻鼠鼠無尾,佢係後天受傷或天生無尾

4)比d佢紙巾佢..佢成日用口撕爛哂..然後比自己保暖..唔會焗襯嫁....但佢其實可能係俾你嚇後想躲起來

5)比自來水佢飲=有問題, 自來水應要煮滾再放涼後才可俾佢飲