怎樣處理新魚缸

新缸處理人人略有不同，但基本上個個都係浸缸。有人用鹽水，有人用洗米水，主要係想將污物同玻璃膠o既刺鼻氣味浸走，浸兩三日即可，然後抽走浸缸水，過一缸清水就得，可以開始養水，即係開氣泵打氣，等氯氣消散，且時o係濾水器o既濾材同底床養菌。
你可以放一兩條粗生平價魚入缸，等菌有ｄ屎尿做食物再繁殖。開始時水會白濁，呢個係正常現象，唔好見濁就換水，等硝化菌養到夠多時水就會開始清，咁就可以慢慢逐少加魚。
順道講下一ｄ誤解：
「一定不好用沙, 細白石仔放底及隔屎板, 洗到你暈 (大石春/大波子好過)」：隔屎皮係幾十年前o既玩意，用物理方法抽屎入缸底，眼不見為乾淨，的確唔好用；但沙冇乜唔好，泥都得。底床物料細，表面面積就大，咁就可以養多ｄ菌處理有機廢料，呢個係生物過濾o既概念。大石春冇呢個功能。
「盡量不好買朱仔魚, 食人倉(連雞脾都食到見骨), 有毒的蝴蝶魚等.噴水魚又細膽又易死, 又不是時時噴水.」
冇話乜野魚唔養得，只要你自己諗清楚。想見魚群游，就可以買燈魚，佢地要偏酸水質，咁就可以用水草泥做底。你鍾意中型魚，豬仔、羅漢無妨。你要殺氣，食人倉囉，只係冇得幾多其他魚種可以混養之嘛。噴水魚唔係噴泉，只係捕食昆蟲時先射水出o黎打蟲落水，而且都係要水中有鹽先生長得好（娃娃／雞泡都係）。
最種要o既，係買魚前先搵下資料，唔好唔清唔楚就聽人點，買ｄ惡爺小王子、藍班馬，又或者會生到極大條（長度以尺計）o既尖嘴鱷、鱘龍、大白鯊、狗仔鯨ｂｂ，免得日後頭痕，又要放生破壞生態。

放清水加豆腐, 去了新缸的膠味, 才好養魚.
自來水裝入盤/桶, 放過夜, 走了氯氣才倒入魚缸
換水最多只能換三分二之新水, 大多的話, 魚不適應便會反肚.
新缸不好買貴魚, 買一些下賤的魚, 當魚死的數量是零時, 才好換入貴魚.
要買過濾器, 電動/手動吸屎器, 溫度計貼紙, 清水劑(防青苔).
一定不好用沙, 細白石仔放底及隔屎板, 洗到你暈 (大石春/大波子好過)
盡量不好買朱仔魚, 食人倉(連雞脾都食到見骨), 有毒的蝴蝶魚等.
噴水魚又細膽又易死, 又不是時時噴水.

新買回來的魚缸，先放滿水等第2日把水換過新的才放魚便OK~