領隊和導遊有什麼分別?

領隊係在機場接待你個位, 係本地人
所有證件辦理 / 出入關口 / 航空往返 / 水陸交通 / 酒店食宿/ 照顧團員安全 / 聯絡, 甚至翻譯(但多數唔識講當地話)...都係佢一腳踼咁幫你搞掂晒的

導遊就係去到目的地時, 揸住枝旗大叫「各位團友跟我黎呢邊」個位啦, 會同你講解當地有咩名勝, 有咩好食, 有咩好買(或者迫你買野)個位囉...多數係當地人, 又識講本地話同當地話~

有時領隊同導遊會係分別兩人, 有時同一人兼任, 後者多數係本地團/短線...

但同一特徵就係, 都會迫你買野既... -_-" 去得多香港旅行團既人就明架啦

2007-12-12 00:09:18 補充：
回覆貓吉的補充: 大部份時間領隊都會跟住團員的, 無論往返程、觀光, 同埋去酒店都會跟住你. 唯獨是, 係團員自由時間, 領隊唔會跟住, 只會約團員係一個地點/時間, 大家行完街買完野之後係個度集合.又或者, 有些主題公園, 因為area好大, 可能會玩一整日所以領隊亦都唔會跟住團員… 團員自己鐘意去公園邊度玩都得, 不過集合時間一到, 就要番去領隊約好的地方~

2007-12-12 00:14:50 補充：
有陣時, 有些細既景點, (例如細的廟社), 環境可以一眼望晒, 咁領隊就會比團友自己周圍走參觀, 而自己會坐在遠遠一角睇實, 如果真係有事先走埋去幫手囉...

2007-12-12 00:23:29 補充：
順帶講下題外話啦, 你知唔知點解香港咁多水貨? (例如化妝品, 小電器, 時裝...)又或者代客海外購貨係點樣做呢? 就係因為呢D領隊, 襯住自由時間, 團友一走開, 佢就把握時間狂掃當地貨, 團友未返黎之前, 佢就已經拎晒上旅遊車, 然後番到酒店, 佢就會將貨pack 落自己旅行箱, 再拎番香港, 咁咪就係水貨囉~ [ 所以佢地除左賺貼士之外, 仲有好多油水架! ]希望幫到你啦~ ^.^

簡單來說：
做領隊是要出境離港工作的。
而導遊，是在本港/當地工作的。
而講工作的難度，導遊遠比領隊困難。單單看兩者的考牌難度，導遊要考路
試及200題的筆試(沒有選擇題)，全部是填充題及長/短答題，考筆試要4小
時，最難的是合格率要達到75%。而考領隊牌只需答數十題的選擇題便可。
問：那領隊會在遊客整個旅行(由香港出發至回港)的過程都陪團一起嗎?
答：盡責的領隊應該是要全程陪伴直至回港在機場/火車站，點名後才解散。

領隊是由香港的旅行社的人隨團出發,
通常都是香港人,是負責交通同住宿的問題,
而導遊大部份都是到旅遊地點的當地人,
他是負責講解旅遊點,在車上一路說出途經的是什麼地方.