能否在香港使用轉盤電話／攪盤電話？

hello~~覆返你個問題

1.我果陣買得好貴呀，因為係83年既hello kitty攪盤電話，之後都無出過。我結果出到39800yen先買到，2600港紙左右，但係都平過係香港買。

2.三腳頭果個問題，我有去鴨寮街同埋摩囉街d古董鋪問過，原來d線係同而家既電話線一樣架，你打開個三腳頭之後，佢會有兩條銅線，另外搵一條而家街有得買既電話線，剪斷佢，然後批左d絕緣膠、然後兩條繞埋一齊就會接觸到，用街買果d電話線果頭插落插座度就會就咁用得架啦

（我轉用pccw既時候個technician順便幫我用個扣整埋，整靚左）

3.打得出打唔到入、打得入打唔到出呢d問題，係因為攪盤電話係「pulse（脈衝）式」，而家既電話就係「tone按鍵式」，全港只有pccw一間係support pulse電話，其他電訊公司，因為係用寬頻/光纖線所以唔support（不過pccw個technician話我知係其他公司唔攪所以先用唔到，理論上傳統電話線同光纖線都一樣support）
我自己本身用緊和記，都特登為左個攪盤電話轉用pccw既貴service

係音質方面，脈衝式既通話質素我覺得同而家d電話完全無分別（當然視乎你個古董電話既質素）

同埋之前回覆你果個網友講得岩，用脈衝電話係用唔到要撳一撳二果d電話service
希望以上既資料可以幫到你啦