我隻鼠鼠沖涼果陣...

✔ 最佳答案

第一次沖涼係咪即係剛買鼠返唻?

A.鼠鼠習慣用排泄物去表示該地係屬於自己,所以去到沖涼時會排泄並唔奇怪,鼠鼠受驚時多數都係尿尿既多

沖完涼入屋便便好多,有冇問題最緊要係便便有冇異常,研究鼠鼠既便便,最好就係拎鼠鼠既便便上手咁下,最好係佢排出唻冇耐(過一陣,1分鐘度啦,即摸好易係好林),正常情況係唔軟唔硬既

B.係唔係受驚最緊要睇返鼠鼠既情緒,好似鼠鼠會唔會叫,會唔會咬你,會唔會發狂咁跑唻跑去

如果鼠鼠受驚最好就係俾佢靜下先,其實鼠鼠買返唻既初時,頭兩日唔好打擾佢,再試下以下方法同鼠鼠熟,當然買返唻沖涼係正確,沖完就唔好攪佢住,:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

C.鼠鼠食好多野有冇問題就要睇返你俾咩野佢食,鼠鼠係知飽既唔洗擔心,但如果你亂俾野佢食,就一定有問題,俾鼠鼠食既野好影響鼠鼠既健康
其實只係俾混合主糧已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子

仲有個情況係你既鼠鼠唔係不斷食D野,留意返佢係咪只係收埋左食物,鼠鼠好喜歡將食物收埋,因而叫"倉"鼠,有D鼠鼠收埋食物收得好叻,我之前有隻鼠收到唔洗籠都見唔到佢D野食

回答 (2)