想去台灣亞里山, 請問附近有甚麼酒店/賓館?

我上年12月去過阿里山，住左櫻山大飯店，nt$1500/2人房。
都幾好，係國家公園內。最緊要係朝早步行就可以到火車站(上祝山睇日出)，
行落去會有食店同便利店，都好方便，房間都幾靚。
個時我係o係嘉義火車站有飯店負責人招我去住，你到時可以殺佢價。
如果驚既，上網book定都可以。
去阿里山要o係嘉義坐森林小火車站上山，一日班次最多得兩班，
上午9:00(假日先開)和下午13:30，最好check清楚先上去。
旺季多既話可能要早幾日d係嘉義/北門站買票(電話購票也可)，
如果唔係要買站票都幾辛苦。
阿里山最主要係去睇日出，
坐小火車要4~5hr，上到去都黃昏。
入夜以後基本上係無乜娛樂，
不過日落景色都幾靚 (我曾經見到雲海)
要注意到時會好凍，因為有二千幾米，會比平地低溫~15度，
記得著定禦寒衣物如手套頸巾，不過同時亦可能落雪~
第二日朝早要好早起身，搭祝山火車上山。
記得問酒店幾點日出(佢地好清楚)，同叫佢地morning call。
睇完日出可以沿著步道落番去阿里山站~1至2hr。沿路風景好靚。
如果唔鍾意行既話可以搭車去奮起湖繼續玩，
個度個氣氛好唔錯，聽講個鐵道便當係必試，仲有可以睇四方木。
森林小火車票價單程約nt$400，祝出觀日出班車單程nt$100,來回nt$150
see: http://railway.fores t.gov.tw/time/time04 .htm
有咩問題再問我: [email protected]

http://www.yoyo-alishan.vf.com.tw/

我上個月頭去完台灣, 玩咗十日, 其中參加咗阿里山鐵道旅遊網(上面網址)嘅阿里山奮起湖兩天嘅套票, 兩個人一共NT$5,400.-, 包一晚雙人房(我住櫻山, 佢仲有幾間可以揀), 三餐, 阿里山森林小火車票兩張, 森林遊樂區入場券兩張, 專車接送去觀日同景點(有導遊介紹), 集散都在嘉義火車站, 全程交通安排好, 唔駛浪費時間搵車同等車, 跟團得黎又幾自由, 唔駛俾小費, 我哋嗰次全團共9個人, 其中一家三口仲係台灣人潻, 一部十人車載晒, 喺森林遊樂區又有個幾兩個鐘俾你行吓山, 都幾舒服架, 不過係唔好彩因為多雲睇唔到日出啫!

只係上網俾資料佢哋安排, 香港人係可以去到嘉義火車站至俾錢, 不過一定要出現, 唔係就浪費咗小火車票, 佢哋email覆得好快, 有嘢唔明又可以隨時問, 好方便!

兩個人玩兩日住一晚都係為港幣一千三百幾, 已經包埋交通同食, 都抵晒啦! 最啱第一次去阿里山嘅旅客.

2007-12-10 13:26:38 補充：
我十一月去係淡季, 真係好淡, 奮起湖老街冇咩鋪開, 話去晒玩噃, 我個鐵路紀念便當吉盒係喺"登山食堂"買嘅, 但嗰陣佢都唔係開緊檔架, 只係我見有人就問佢賣唔賣至買到咋, 所以最好唔好咁淡季去, 台灣人淡季寜願去玩都唔願做生意, 真係會摸門釘架!

http://tw.knowledge.yahoo.com/question/?qid=1405110105945
參考看看吧