關於拉直頭髮...

1)我聽d人講話拉直完頭髮之後,,幾日之內唔可以洗頭,,仲要等差唔多成個月先可以
紮頭髮??我想問真定假架?如果真係係拉直頭髮後即洗頭+紮頭髮,,有咩後果?

其實唔係話唔可以洗頭
我自己本身都有電 不過第2-3日唔洗~
紮頭髮方面我都係2-3日唔紮
之後我照紮
不過其實你可以紮鬆D 咁樣會冇乜 痕
其實 拉直頭髮後即洗頭應該冇問題 因為你電完之後salon都幫你洗頭啦
不過你要吹番真佢會好D
至於紮頭髮 我諗你唔好紮好D 因為真係怕有痕

2)我想問拉直頭髮大概幾多$左右呢??
其實間間都唔同 有D 2百幾 有D 可以千幾 其實好睇你個人
當然愈便宜的D藥水可以愈傷頭髮

3)拉直係咪會好傷頭髮??如果係,,之後做返焗油會唔會好d??
都幾的
而家有salon會有套餐組合
姐係有得俾你揀幾樣野
你可以揀 電直+焗油+洗剪

4)要拉幾耐先得架?? (我聽人講要拉幾個鐘頭@@)
係要的 我之前電差唔多3個幾鐘

5)拉直後可以維持幾耐左右呢??
其實除左睇salon外
亦要睇你自己點保養
如果你洗完頭任佢自己乾
唔吹直
又或者你成日折佢
維持的時間就會小好多！

我自己就keep好耐

1)個髮型師話拉直個頭之後最好3日唔好洗頭同埋2個禮拜唔好紮，因為如果洗頭會洗左d定型膏..一般髮型師會用夾拉直最尾加定型，就維持得好d..我個fd試過即洗頭，個頭好快唔直囉...同埋果陣返學有個人試過紮起..雖然條橡筋已經特登紮鬆d，不過都係有d拱起咁...又係唔直..所以我都聽個髮型師講..結果keep到而家都好直..半年喇...

2)拉直有平有貴架..睇下個髮型師用貴料定平料..我果次拉直連焗油500

3)染、電、拉直呢d實會傷頭髮既..睇下點護理啦...我自己d頭髮超薄超幼成日打結..以前電曲同染搞到好乾開曬叉..不過今日我去到髮型師到，佢介紹我做左個焗油先，因為果隻焗焗專係for負離子前用，保護返d頭髮架...我咪試下囉...拉直完個頭都無開叉，個頭又無瓦色！你試下問下有無拉直前既焗油啦！因為我個fd問過有d話無架...
我平時洗完頭用下護髮素搽去髮尾，會無咁易開叉！

4)視乎你頭髮幾長同碎唔碎啦...我到膊頭長dd，不過好薄好碎，焗油連拉直2個幾3個鐘頭
如果d頭髮碎都會拉耐d架！(不過你最好叫個髮型師唔好拉到咁近髮根，因為會傷到塊頭皮)

5)我拉直左半年喇...髮尾都仲直...因為我無修過頭髮..前面就唔直，因為我成日剪d陰

拉直完頭髮之後，要等3日先可以洗頭，3日後洗完頭就可以紮頭髮．．．
紮頭髮唔好圈得咁多．．．
拉直頭髮大概幾多$100~200左右．．．
拉直之後係會有少少傷頭髮．．焗油會好d．．．
要拉3個鐘．．．．
拉直後可以維持1年左右．．．