好鬼煩：遇上效率差律師行

1. 如果你而家取消轉按, 應該就唔會收費, 不過會酌量收番D雜費.

2. 你同銀行有冇簽訂過任何文件先, 如果冇嘅, 你可以取消唔做. 其實你做轉按啫, 唔需要成四個月咁耐, 一般係你同銀行傾掂d terms, 新銀行落實幾時可以過數去律師樓, 等你上去簽份(Mortgage) 而律師樓又同舊銀行check晒數(redumption money), 送埋尾數去舊銀行, 等舊銀行簽返份Discharge(即消耗契)返嚟, 再攞上田土廳註冊就完成手績, 唔計等番份契註完冊, 一般都係個零二個月度. 你唔會有機會唔比錢, 因為律師行會响新銀行提供比你筆錢扣除左, 作個比喻, 假如你同新銀行借1,000,000.00, 新銀行會過1,000,000去律師行個戶口, 然後律師行會出信去舊銀行問數, 假如舊銀行話你欠850,000咁計, 律師行會開一張850,000嘅支票代你還錢, 理應多左嘅150,000係比番你, 但律師行會扣除埋律師費, 先張餘額開番張支票比你. 如果你要投訴可以向律師公會投訴, 地址係香港中環德輔道中71號永安集團大廈3樓.電話2846 0500, 傳真28450387.不過你要有證據證明你單transaction係律師樓嘅疏忽先受理.