採購/merchandiser/跟單 工作係做d咩?

做採購，即係負責買嘢，幫公司訂貨，通常就係落單（講價就通常都係高層做架啦），跟船期，跟L/C嘅嘢（或者跟落訂，俾貨款），貨到安排去提貨，入倉（或者轉運）．．．

做merchandiser，通常都係工廠嘅”行”做嘅，接到客嘅訂單，計料，訂料，搵工廠，落order生產，跟出貨期，訂船期，出貨，做單，收錢．．．

跟單係一個比較籠統嘅講法，即係跟進訂單，上面兩種都得，不過通常係merchandiser俾人叫跟單．

前途點，要睇你響乜嘢公司做，做得好唔好，升到幾高，如果係初入行，差唔多（大公司人工會高D），有D經驗嘅，merchandiser會值錢D（因為跟嘅嘢多D，而且有可能要出差，仲要出差去一D比較落後嘅地方，因為落後嘅地方人工平，人工平工廠先會多），不過都係要睇你做到幾多嘢，但係再升上去，就係做採購嘅值錢D，如果可以做到負責講價，做買手嗰個，咁你惗下，如果要買嘅嘢量大，每件平一個仙，總數都唔得了，所以可以好值錢．