✔ 最佳答案
先唔講進化論係唔係比人推翻, 睇一d肯定推翻左既定理:
發現細胞個個人, 第一次定義既細胞係一d死既cork cell, 係咪cell theory就係錯既呢? 係咪唔使教?
原子 atomic theory即係, 原子係最小可以分割既單位. 我地一早已知係錯既: 因為我地可以將佢拆成核子和電子, 咁點解仲要教atomic theory?
原素定義係唔會變成另一種原素既野, 而家我地知道原素可以變, U-->Kr, Ba. 咁係咪我地唔可以用原素呢個詞呢?
---
科學係不斷進步, 推翻舊定理, 開路比新定理, 係理所當然. 但科學亦係不斷累積, 冇前人既研究, 結論, 今日就冇基礎, 點向前發展? 每人日日都只停留係基礎研究, 點去得到應用科學?
科學教育唔單只係教一d已知係正確既野, 仲要教d野係點得出來既. 學生唔識舊理論, 就冇基礎去學新理論, 更無能力去終有一日推翻今日既理論. 咁同教歷史有咩分別? 就係學下d人係點樣分析前人既知識, 點樣設計實驗, 點樣推論, 推翻前人既定理, 令科學再進一步.
---
進化論由當初推出至今, 本身已經 [進化] 不少. 推翻左舊既, 唔等如新既都係錯既. 請樓主指出一下你認為係推翻左既個個version, 會唔會係舊版? 咩範疇? Macro-定係Micro-evolution?
就算係舊版進化論, 好似Atomic theory已經完全推翻, 仍有學習價值, 何況一d仲係演變中未完全推翻既進化論?
參考: 自家意見, 歡迎批評指正.