結婚.....急

我結婚果陣~我地去金都拿左張過大禮list(好多地方都有)
list有齊曬男女家過大禮要買既野

跟著男家照張list上面既野封利是~好似每封廿蚊左右~但每樣野要兩封利是(一雙一對)既
仲有比女仔既金飾要有啦、買一d生果啦(好似最重要要有菠蘿)、禮金(可以在金都買埋有d大利是封~咁會好睇d)

至於女家(即係我屋企)我阿媽就貪開心~佢就買左好多野了

我諗都係睇下雙方家庭既要求~最緊要傾清楚d(最緊要表現好有誠意)~唔係做得唔足會令對方有d唔開心就唔好啦

祝開心順利!!

2007-12-08 09:15:16 補充：
仲有照list上面的物件封利是的話~就咁係利是封上面寫番係d咩就ok即係果封係耶子既~就寫耶子就ok仲有一樣野過大禮要拿埋去~係帖(印好名既信封~要事先問女家拿左賓客既名)、餅卡、邀請卡、回禮利是等等~唔知洗唔洗入埋曬先呢~好似果陣我地唔夠時間拿曬去過大禮~過完先係女家入帖~呢d都係你地去傾喇

過大禮想用利是去代替,一封便可.我本人覺得身為中國人都要做少少中國人傳統禮儀.買8至10個中式禮餅,少量乾海味...等等. 好似你去探訪朋友,會不會空手去呢?何況那兒是你未來外家.如果相方父母不知怎麼辦,不妨詢問其他親朋好友;其實問下禮餅店他們一定話給你聽(如奇華餅家,榮華餅家..等等). 因有生意做,到時你才決定買多少啦! 在此祝閣下婚姻美滿?

而家好多都係一封過架啦, 唔駛煩丫麻, 封面寫 "包羅萬有" 就已經ok架喇. 至於幾錢就係你地兩個同女家商量會好d.

我當年都是封利是就算了, 一封就可以啦, 要封幾多就要跟對方相議吓, 我就封了壹萬陸仟捌佰捌拾($16,880), 取其一路發發囉, 希望可以幫到你啦 !!