和內地的女朋友開始了不足半年, 她時常都暗示希望我給她承諾 !!

哇....樓主同我咁似既...不過我係女仔~我男朋友係大陸人...

我同佢拍拖都有一年啦!!佢都係成日話想結婚...不過同你個case唔同,佢話佢落香港會搵唔到工...我就話等我事業有成之後就上去同佢住...

順帶一提,大陸人傳統d,基本上都會早d結婚既...(我有10幾20個大陸朋友,個個都係咁諗)

仲有,有d父母可能比較貪錢d...你冇錢佢地可能唔俾你娶佢個女架...我男朋友講既~


講番你先...我覺得你女朋友想落黎香港囉...想要HK ID囉...

我有個男仔fd,都30歲啦,識左個大陸女仔,個女仔都係想結婚,不過佢地係女仔鄉下結婚既~

點解佢話"來香港都會更方便"先?你話你可以上去做野嘛...(如果你要俾個借口佢既話)..仲有,問清楚佢落黎香港可以做d乜野工作...你養佢就話容易,但係你自己屋企呢?都要俾家用架~

如果要結婚既...你睇清楚大陸既婚姻條例先...聽聞離婚果時(大吉利是),身家一人一半架...

你要佢明白,大家文化唔同,你可以婉轉d同佢講你既感受...而且你同佢都只係半年,邊咁快結婚呀! 再講你同佢都係一個月見得幾次,你真係唔知道佢係咩人囉....(我同我男朋友一年先見得幾次,都成年啦,我都未好真正好深入了解佢....)

結婚係2個人既事,邊可以話結就結架? 如果因為你唔肯同佢結婚而佢飛你既話,咁依個人唔要算啦!(又係題外話...sorry...sorry~)

仲有,你諗下,就算佢同你真係結左婚,佢都未必即刻落到黎香港啦! 咁果幾年裡面,佢(或者你)有左第三者...咁點算呀? 我勸你都係諗清楚好d啦!

最簡單同佢講,你而家想係事業上博殺,或者儲足夠既錢同佢結婚,又或者搵阿爸阿媽頂住先....又或者同佢講,香港買樓超貴,你想佢住得舒服d,等等...最緊要令佢知道,你地唔會咁快結婚...承諾而家野就唔好講得咁清楚...話3-5年啦! 我個人覺得,遠距離戀愛最緊要講個""信""字,佢信你會同佢結婚咪得囉!

我既答案可能唔係咁好,可能仲好亂,不過希望幫到你啦!

我同你一樣,先排因為依個話題同男朋友講得好清楚....我都諗到頭痛,呵呵~

其實.....
件事有兩睇...

1.佢真係鍾意你....
2.佢既目的只係想落黎香港(推理ja...我唔敢講係咪)

第一既....固然之好la..
但你要諗下...你可以實踐呢個承諾...
唔得既...唔該你唔好應承佢..
結婚唔係講玩....
一旦唔好聽...離婚既.
傷害唔止係你內心...可能你個銀包都受害..(應該明白la..唔係計錢..只不過如果為左一時既衝動而損失..我覺得唔值....)
而且...你同佢開始幾耐??不足半年ja...
佢為人係點..你都可能未分得清楚...
你重講咩結婚??
另外....你自己都未真正認定佢...
你千祈唔好咁快下承諾...
到日後你發覺佢唔適合你既,,,,,咪"棧搞"
到時點ar?婚就已經結左...到時又搞離婚?
呢架野..唔好玩...玩唔過牙!!!
後悔既..只會係你自己!!!

如果唔聽既...係第二既
事後....你唔止後悔...你可能會肉"赤"
因為你唔止被她欺騙感情...而且更會被她欺騙了金錢..


所以我覺得..你應該睇清楚佢為人....而且你個心真係認定佢係你既一生中最愛既..先好作出呢個承諾...!!!

p.s我唔係話佢真係果種人...
我只係推測一下....只係存在假設性....
希望你唔好誤會....

從你的問題來說，首先你當然要清楚自己是否可以這樣做，相識多久結婚並不是一個問題，有很多情侶也拍拖多年才分手。但最基本的一個問題，到底為甚麼一定要定居香港呢？我也看過很多這樣的情侶，有成功的、也有失敗的，成功的一群通常雙方都是較年長的一群，而失敗的都是較為年青的。其實你可以以生活指數作為借口，暫時不要結婚，稱香港與國內兩邊的生活指數有相差，未知是否能夠負擔，故可以先申請自由行來港暫住，先習慣環境及看看經濟是否負擔得來，萬一負擔不到的時候，亦可以轉回國內，屆時再結婚，因為如果先結婚然後直接申請到香港定居的話，她便是香港人，用香港戶籍，如果他日真的要回國內生活，便有很多麻煩，浪費了很多人民福利了。這個借口你可以考慮一下，首先看起來你是真的為你們的將來而鋪路，她亦不能有太多說話，二來，你亦能從這方向認真了解雙方關係。祝你幸福啦！