點撐落去牙！？

駛乜死呀
個樣係點係天生的...後天都有得補救(唔係叫你去整容)
你而家仲細未識打扮姐...第日大個左就會好D架啦
唔駛理人點睇你...唔講野咪唔講野囉唔比既咩?
屋企窮....係冇得怨的...
有錢又係咁過冇錢又係咁過...開心咪得囉...
實不相滿我以前同你的遭遇都係差唔多
好多中學同學仔都唔鐘意我...但係我唔會理佢地囉...唔鐘意咪唔鐘意囉
我唔會特登去討好佢地...因為太假...咁做朋友都冇咩意思。
中學時期D人仲細...諗既野太幼稚啦...
但係自從讀左IVE同出左黎做野之後...識多左好多人
多左好多朋友...反而冇咩朋友係唔鐘意我...
同佢地一齊好開心...到而家D中學同學都仲係一樣咁唔鐘意我...
但係我唔會理佢地，佢地依然係鐘意D咁假既人
自己開心就得...
錢方面果時讀書我都係得20蚊一日仲要食早餐同LUNCH,,,邊夠架
咁屋企環境係咁...都冇計...慳得就慳囉
到左而家自己做野咪多D錢駛囉
鐘意買咩就買咩
講真呀...而家個樣同讀書果時真係差好遠
我都覺得自己讀書果時好樣衰
而家...都OK啦,,,(自己覺得)//...其實都係各花入各姐...
你覺得靚唔代表人地都覺得靚...
而家仲有個拍左幾耐而又幾穩定既男朋友添


所以你唔駛灰心喎

我覺得你家下首先要冷靜落黎先~~~~~
你話因為你唔多鐘意講野所以你d同學仔就唔like同你做fd，我覺得呢個並唔係你ge錯，可能只係因為你個人比較內向左d姐，你覺得自己拎唔到野出黎同大家講，不如試下做個細心ge聆聽者，聽下大家到底係講乜野話題ge，你聽一次冇野講，二次冇野講，第三次就會覺得有d野可以諗下同發表下嫁la，可能你會覺得你講乜都冇人會理你，好多時佢地就算聽到都扮到聽唔到咁，不過冇所謂格，你講你ge聽唔聽係佢地ge事，咁樣落去終有一日你會講到d啱佢地key ge 野 ge~~~
至於你個fd你都可以將佢放o係愛情呢邊，可見你對佢都唔只係fd咁簡單嫁la，你唔鐘意佢同d男仔玩，好正常，邊有人會鐘意自己ge對象同異性玩而冷落自己嫁~~你可以試下搵個機會同人地講清楚佢，講左出黎如果佢對你都有feel ge話好好，皆大歡喜，咁你就唔洗怕話冇人理你，因為你有個好好，自己好鐘意ge女朋友，如果話佢對你唔似你對佢咁ge，佢只係當你係一般ge fd的話，咁你都冇損失格，大家做番好朋友就ok~~
至於你就你d英文la wo，你唔洗擔心喎，我覺得好可能係因為你自己怕太緊張，d說話去到口脣邊都講唔出黎姐，我都係咁嫁，我家下o係美國讀書，好多時要問老師野一緊張個就講到亂七八糟，個老師就會話佢唔明，我聽到佢咁講就仲死，越來越驚，越來越覺得無話可說，但係我返到埋位居然可以同我d美國同學傾到計，所以好多時d野唔係話你講唔出野就英文屎ge，放心la，講多幾次，多d同外同人講野就冇事嫁la~~~~
至於你覺得你屋企ge經濟好似出左少少問題，我覺得你應該要體諒一下你ge父母，可能佢地呢排工作上真係唔多順利，所以先至會對你ge洗費限制多d，你話你冇買衫三個月，可能你會覺得真係冇曬衫著，話得返一件衫著可能係誇張左，應該係你覺得鐘意而又見得人ge衫得返一件下話，我覺得你家下應該要成熟d同屋企人渡過呢一段時間，唔好怪屋企人la，你著黎著去都係o個件衫你以為佢地唔知咩，佢地係唔出聲咋，為人父母有邊個唔想比至好ge佢地ge仔女丫，不過佢地係冇計，你有冇計過你父母有幾耐冇買過新衫呀，冇呢，你指細計下就會知道可能佢地成年先買得一次衫唔係ge就係買街市o個d平野，至於你自己呢，三個月冇買就覺得好耐，自己反省一下la~~
至於你就聽到d無lala發出ge聲嚇親，我覺得好可能係你近排壓力太大，係你一次過問咁多問題就知道乜事la，仲有呀你近排幾點訓呀，有可能係因為太夜訓身體太攰，所以出現左d幻覺姐，休息返多d，唔好諗咁多la!!!!!!!!!
希望可以幫到你la~~~~~~~

首先你唔好覺得想死會比較好啦.
你有冇試過諗清楚自己因為咩而唔鍾意講野先?
你可以參加課外活動呀果d黎同朋友增進下感情,咁樣都會有更多話題.
人地就唔會覺得你悶架啦!係囉, 笑都係1件好事.
愛情方面你都唔需要太過擔心啦. 隨緣吧!
自問你自己係唔係鍾意個女仔先? 係既就大膽d,
唔係既.你就唔洗理咁多. 唔好當自己白癡喇!
英文方面都唔係大問題. 你可以多d睇外國既片.
聽下英文歌睇下英文書咁黎增進返d英語能力.
最重要唔係人地點睇你. 係你自己點睇你自己,
比d信心自己, 打開話題. 話題其實好易搵到.
最重要係你自己肯唔肯踏出第1步架姐!
至於屋企經濟既問題. 我認為你都係擺埋1邊
而家比心機讀好書會比較好!

你應該放開懷抱, 各人有不同的命運, 不同的外形, 多數人都係外表平凡ge, 你睇一套電視幾十人做, 靚仔靚女咪得幾個, 你可以發展自己的趣味、愛好, 找臭咪相投的朋友+馬,

唔知個英文點講咪問吓老師或者yahoo+, 以後咪知道點講lo, 知識就係咁增進ge啦

屋企窮就慳d啦, 冇得同人比ge, 你冇買衫3個月好奇咩, 我冇買衫6個月啦, 冇人話要定期換新衫+馬, 中國山區d人一家6口得1條衭, 出街先著又點呢, 唔通陷山d人死晒去咩

努力! 你得ga!