CLERK 同 ADMIN

基本上，Clerk係一個職位嘅名稱，Admin（即係Administration嘅簡稱），係一個部門嘅名（Administration Department），再引申係一D工作嘅總稱，唔算係職位．

不過，好多人都會咁講：”我做Admin嘅”，即係話佢做Admin Department嘅工作．

咁樣解釋啦，做Clerk（即係文員），可以有好大範圍，例如：Shipping Clerk，Admin Clerk，Accounting Clerk，Purchasing Clerk，唔同嘅Clerk，所做嘅工作就好唔同，不過，如果間公司冇分乜嘢Clerk，咁通常都係一D規模比較細嘅公司，Clerk要做好多唔同嘅嘢，可能成間公司就得老細同埋一兩個Clerk，咁即係老細唔做嘅嘢，唔係你做，就係你同事做，可能都要出下街，傳下真，打下信，報下價，訂下貨，跟下單，聽下電話．．．．全部嘢一腳踢．

做Admin呢，咁上至Admin Manager，下至Admin Clerk，負責嘅嘢就會唔同，而且唔同公司嘅Admin所做嘅嘢好唔同，如果間公司只有Sales Dept同埋Admin Dept兩個部門，咁即係Sales唔做嘅嘢，就Admin做晒，咁就同上面所講嘅一腳踼Clerk差唔多，如果分得細D，可能會再分Accounting出黎，即係除咗Sales嘢，同埋做帳之外嘅嘢，都要做晒，再分出黎，通常D公司會分Marketing，IT，HR．．．．公司部門越多，工作就分得越細，不過，咁講啦，點分都好，總務呢D咁瑣碎嘅嘢，通常都係Admin Dept負責，例如訂公司文具啦，蒸餾水啦，printer墨啦，有客黎斟茶遞水啦，印卡片啦．．．．

冇話邊樣要資深D，或者學歷高D，主要係要睇公司幾大，工作分工係點，不過咁講啦，通常分得越細，要求對範圍之內嘅工作就要熟悉D，例如做會計，如果唔識都幾難做，又例如做跟單，船務，冇經驗做到一頭煙之餘，仲會容易出錯．

至於搵錢多少，就要睇你嘅職位有幾高，做到幾多嘢，如果都係新入行，通常就會係大公司人工高D（冇經驗，大公司又未必會請），如果講學嘢，咁可能一腳踼會學到多D嘢．學到嘢，做到嘢，慢慢人工就會加架啦．

clerk 一般文書工作, 打字, filing, 影印, 除非是專一部門, 沒有任何資歷可言,
admin 總務部有時包括人事部, 負責處理公司大小雜務及人事管理, 簡單的如訂文具, 複雜的如訂annual dinner, 大公司才有的部門, 較專業