✔ 最佳答案
如果真是末期, 理論上用任何非傳統方法都只是拖, 睇下拖得幾耐, 我就知道有些人可以拖得幾年, 同埋去時無咁辛苦. 而家好多非傳統方法都話唔駛好似傳統西醫咁要殺死癌細胞, 因為好傷; 新理論係人可以同癌細胞共存, 唔俾佢惡化, 只要控制得到, 病人可以繼續生活, 國內好多人都相信呢一套, 而我識得有人真係咁活多幾年. 不過好怪, 實例係年紀越大, 越可以拖得耐, 年紀輕反而唔得, 唔知點解.
雖則話有例子可以拖多幾年, 始終都係會去, 要有心理準備.
2007-12-07 09:51:14 補充:
請注意揾氣功師也好, 揾中醫也好, 要小心選擇, 好多人利用病人及其家人想搏一搏的心理呃錢, 無耐之前先有新聞話國內有個女人話自己係神醫呃了好多人, 無了錢都算了, 失望先係最大打擊. 雖然我都識得有氣功師幫癌症病人, 但我唔敢係度亂咁介紹, 而且佢都係熟人先做.