唔該各位好人來評下理!

下次問你細佬做晒功課未,佢答你做晒,你就要佢攞晒啲功課出嚟俾你睇,記得睇埋佢手冊,如果做晒咪一齊睇電視囉,如果未做晒咪大家一齊無得睇囉,你堅持係都要佢做晒啲功課先至一齊睇,教好細佬係要犧生少少,你做家姐教細佬嘅責任一定擺喺你身上架喇,你爸爸打你細佬你應該會心痛,你應該氹你細佬做唔晒啲功課會俾老豆打仲要鬧埋我,你鍚你細佬多啲,你自己做個好榜樣,咁細佬先至聽你話架嘛,咁做父母就會好放心出去搵錢,咁咪幾好,你唔應該話你爸爸有問題架,佢要出去搵食,返到屋企仲要理埋你地有冇做晒功課,成日咁長啲功課仲未做晒,梗係發火啦,你估你爸爸打你細佬唔心痛咩,你應該編一個時間表,幾時做功課,幾時睇電視,大家分工合作,分擔家務,爸爸返到嚟見到你地咁乖又唔洗勞氣,就算工作幾辛苦佢都會覺係值得嘅, 一個和諧嘅家庭係要互相遷就、包容,你試吓咁做係咪會好啲,我自己都係大家姐,我細佬都係好細個,但係佢好聽我話,因為我識得點樣平衡姐弟嘅關係,我從來唔洗我媽咪擔心,我地一齊做家務當係一種互動大家嘅親情,所以做家務就成為我地嘅樂趣,我地大家一齊做功,課,雖然我同我細佬放學嘅時間唔係一齊,但係佢做功課時我會坐喺佢身邊陪住佢,所以佢做功課做得好開心,做完功課一齊打機或者睇電視,有時佢扭計我會同佢講道理,講完之後佢知自己唔啱,佢會錫番我,咁我心都甜晒,咁仲點捨得話佢呢.信我呀！比心機指導你細佬,佢一定聽你話架
圖片參考：http://hk.yimg.com/i/icon/16/67.gif
!!!!!!!!!!!

如果下次你細佬話做晒功課ge話,而你又懷疑佢未做晒ge話,你應該叫佢拎D功課俾你睇到底佢係咪真係做晒,唔係ge話咪唔好俾佢睇電視lo...等佢做完先好俾佢睇...有時係要犧牲啦...且你自己都要讀書啦~睇電視冇問題...但係要做完一樣先到第二樣lo~其實你老豆咁你都係為你同你細佬兩個好...你又唔洗因為咁而嬲你老豆ge...有時D忍會比較好...不過你都可以話俾你老豆聽...佢唔應該咁話你...因為唔係好大問題...

呢件事係你爸爸唔啱!
但因為佢嬲你細佬講大話又唔做功課,一時未能收火,而話埋你,我知你會好唔開心,但你明白佢好辛苦揾錢而仔女唔聽話,一時過火,你就原諒你爸爸啦!!

算la ,,
我都試過 ,,
理鬼你細佬la

係呀～好明顯啦