我隻鼠鼠生得,,應該點做好???

鼠鼠生得應該係指鼠鼠已生?懷疑懷孕or生左分開左隻男鼠十分正確,男鼠點樣都好,都一定要拎走佢,唔係有機會食bb or 令鼠媽媽食bb

唔建議你買營養水俾鼠媽媽飲,的確係會怕鼠媽媽唔夠奶,但咁唔係俾營養水,係要俾奶粉沖既水,都可以買d鼠鼠專食既魚仔乾俾鼠媽媽補充營養

A.俾足野俾鼠媽媽同鼠b之後,唔理佢地就已經好足夠,唔好做太多既改變,當然天氣涼既情況下,可以俾鼠棉俾鼠鼠,但要有心理準備,鼠棉放左入去都唔好咁快換,咁會比較污糟,但好過成日攪個籠

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣
7)鼠b 大約21日大戒奶之後同鼠爸鼠媽分籠,以避打交or亂倫,最好就係一籠一鼠,兄弟姊妹都會打交同亂倫既

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

B.唔知男鼠點樣佢令你覺得佢火呢?係咪佢有D發狂行為?雖然係必須分開佢,但都要了解一下佢咩事,唔係女鼠生B就唔理佢既

鼠鼠生BB而鼠爸出現異常既情緒行為,我覺得最好唔好用人既角度去解說較好,因為鼠爸對鼠B係冇感情既,出現情緒唔正常既情況,多數會係因為以下既可能:

1)環境轉變
由一個籠去第個籠,環境忽然有唔同,就好易唔習慣,俾D時間佢靜下先啦

2)女鼠發惡
女鼠懷孕及生B,一般都會較惡,男鼠同女鼠一齊住既時候,可能會因為咁而受驚,男女鼠雖然有交配,但唔代表佢地相處得到,就算打生打死既鼠,都有生BB既可能

3)受傷
因為女鼠可能較惡OR之前同女鼠同一籠過,所以有機會已受傷OR因受驚而生病,仔細檢查鼠鼠既身體及排泄物,有D外傷會較難睇到既,有咩問題盡快處理

C.另外,希望你考慮一下之後唔好繁殖鼠鼠,其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

希望真係幫到你

除左隔開隻老豆同埋換0的軟木糠外,咩都唔好搞隻囡.
因為佢大肚好敏感.
生左出黎都唔洗好佢地,因為你掂佢0的仔,佢0的仔一唔同左味隻媽就會食左0的仔.
買0的谷奶0既糧俾佢食就ok.同埋營養水.
因為佢覺得唔夠奶湊哂咁多個都會咬食一兩隻.
小動物舖頭有得賣0家喇.

佢地有天性,知道點湊仔.
怕佢地凍可以俾一至兩個廁紙筒佢,佢會咬爛再整個好掂0既竇出0家喇.好叻0家.

2007-12-06 19:03:26 補充：
火都要隔,因為隻仔會唔小心整親0的仔不旦止....仲會煩親隻媽(因為隻仔又會想交配)我以前試過唔隔開佢,搞到隻囡一個月生兩次......睇住亞囡唔夠奶....唉~唔好呀,隻囡會生到好辛苦0家唔係.