1月中去韓國自由行,想搵行程

我嘗試用個人感受回答你的問題　1．自由行　2．吃喝玩樂＋購物

－如果你未曾去過韓國，當然去玩一次亦無妨．

－我絕對不是岐視韓國人，不過事實語言障礙是一個影響韓國旅遊業的其中一個最大因素．所以打算去韓國自由行的朋友，將會遇上的困難會比去日本的多．

－由於語言問題，一般旅客是無法品嚐真正的地道食品．只可以去一些旅遊區〔如明洞等〕吃一些為旅客而設的食物．不要以為可以隨便找間快餐店進食，要找一間你認識的快餐店如麥當奴，ｋｆｃ等等，就如古代要去找天山雪蓬那樣困難．但我可以說韓國的麵條和烏冬是很好吃的．

要講玩的，來來去去都是如樓上那位朋友所列出的這幾種．最多我再介紹給你的６３ｃｉｔｙ如澳門的觀光塔及實彈射擊〔在樂天世界裡的溜冰場旁邊〕．

購物就多數離不開化妝品和人参產品，最好就去大型超級市場如ｈｏｍｅｐｌｕｓ，ｃａｒｒｅｆｏｕｒ等等〔不要去百貨公司如ｈｙｕｎｄａｉ，ｄａｅｗｏｏ，ｓａｍｓｕｎｇ，ｌｇ．．等等或是化妝品專門店，因為會比較貴〕．

交通方面也是一個問題，在煩忙時間裡一小時車程可塞上三個小時的．所以回程返機場時一定要預留時間．坐地下鐡我遇到的最大困難並不是如何看懂路線圖，而是如何購票！站內職員不懂英語或漢語，售票處的主要功能是找換零錢的，所以最好先訂下那個站下車，然後往售票購買．有一個好處是差不多所有車站都設有洗手間的，所以唔怕途中要去找廁所的問題．

總括而言，我覺得韓國現時還未及得上日本，台灣和泰國那樣多采多姿．希望以上個人感受對你有幫助．

如果你只係一個普通遊客,冇乜特別要求同喜好既話,5日去韓國又唔滑雪就好容易會悶死.講吃喝玩樂點都同日本／香港／泰國有段距離．

２．如果你唔識韓文，咁樣會比較辛苦．千祈咪以為用英文或普通話就可以搭夠，當然有好多韓國人能操流利英語，不過通常係街你會好難碰見呢啲高人既．我既個人睇法係韓國人既日語水平係高過英語既．不過唔代表可用日語溝通囉．所以如果你想問路，點菜，講價．．等等，往往會遇到困難囉．

３．３月選乘大韓航空〔ｋｏｒｅａｎ　ａｉｒ〕３日２夜連兩晚酒店由二千幾蚊起〔每位計〕，呢個價錢算唔錯架喇．如果你真係有興趣既話，你可以俾個電郵地址我，我可以俾啲資料你自己研究既．

４．韓國一般既生活消費〔尢其是以首爾為例〕都比香港高少少既．食野方面選擇比較少，唔食韓國餐要食意大利餐或是去鋸扒，咁多數要返酒店食先至可能有機會．唔好諗住隨意可以搵到間老麥或家鄉雞，係韓國要搵快餐店可能重難過以前古代去搵天山雪蓮呀．

總括而言，去韓國唔難又唔貴，不過諗住可以同日本一樣咁好玩就可能會令你有啲失望．如果純粹去睇吓野，參觀吓，買少少記念品〔化妝品同人参可以好貴〕咁個預算係唔會太高，我覺得萬二至萬五蚊已經可以好好玩．況且你地唔玩滑雪既，唔使入場費／租鞋費／租衫費．．就已經慳番唔少錢啦．5日4夜都夠晒玩囉．

以上資料希望可以幫你考慮清楚啦．