新年去泰國自由行 **請幫忙給我行程表**

曼谷建議行程:
DAY 1:
落機後去酒店CHECK IN及放抵所有行李後, 可以去遊覽湄南河, 傍晚去四面佛及附近的大型購物中心SHOPPING. 如果持有旅遊證件去大型購物中心SHOPPING, 可以申請退稅的, 詳情請在付款時向收銀員查詢, 他們會好樂意教你怎樣辦理的.

DAY 2:
如果D一日你星期六OR星期日的話, 早上可以去翟道翟跳蚤市場. (翟道翟逢WEEK END才開門做生意的). 翟道翟的地方好大, 可以行足一天的. 入面佢分了好多個不同的區域, 如服裝區/家庭用品區/手工藝品區....等. 所以你去到翟道翟的時候, 可以在大門口或各主要通道睇左地圖先, 然後按自己想要買什麼or睇什麼來決定去邊個區域的先後次序. 不過去翟道翟的話, 要帶備足夠的飲用水/帽及防曬用品, 因為翟道翟在中午時份會好曬及好熱的, 所以要帶齊以上的物品以防中暑. 傍晚可以去Let's Relax做spa, 我之前幫襯過Let's Relax, 佢地既師傅的手勢及服務態度都唔錯, 而且環境舒適乾淨. 不過最好去做之前打個電話去預約左先, 因為佢有好多人去幫襯的, 如果沒有預約的話就上左去的話, 可能未必即時安排到師傅幫你做spa的. 你可以去Let's Relax的網站睇到佢既地址/電話及價目表: http://www.bloomings pa.com/index.php 做完spa後, 可以去Let's Relax附近的Baan Saranrome食晚飯. 這間飯店是以五世皇時代佈置為主題的泰國餐廳. 地址: 10/9-10 Sukhumvit Soi 39,Bangkok. Tel: 662-2602787 營業時間5:00pm-10:00pm

DAY 3:
D一日可以去泰國夢幻樂園(Dream World)玩機動遊戲及影相, 園內有好多得意別緻的3D公仔(有D有成個人咁大的)供遊人影相. 你可以去Dream World的網站睇下點樣去: http://www.dreamworl d-th.com/english/ind ex.php 如果玩完泰國夢幻樂園, 你亦都可以去Safari World理生動物世界睇動物的, 有關這個野生動物園的資料可參閱其網站:
www.safariworld.com 晚上可以去唐人街行食晚飯, 果度的海鮮及魚翅都唔錯, 而且林真香的鋪位都係位於唐人街的, 食完飯可以去林真香買一些肉乾或者泰國特產做手信. 如果你買完林真香手信仲想行多一陣街, 但又拿住一袋二袋唔方便的話, 可以要求林真香提供免費送貨服務(當然是要買了一定數量及酒店位於曼谷市內才可以送貨, 數量方面: 我上次夾埋我D FRIEND都夠架啦), 佢地會將你所買的手信送到去你所住的酒店大堂後交給酒店職員保管住先. 當你回到酒店之後, 酒店職員便會交番D野比你的. 不過你大可以放心, 林真香的老板是懂得講廣東話的, 所以你只要比你既酒店名稱及房間號碼佢,佢就會識得送去酒店, 根本唔駛擔心溝通唔到的問題.

華欣建議行程:
DAY 1:
早上可以去海灘享受日光谷及游水, 你亦可以在海灘租一匹馬, 然後騎住隻馬在沙灘上踱步(千祈唔好騎住隻馬奔跑OR亂沖亂撞, 因為沙灘上有好多人的). 下午可以去懷舊火車站參觀. 傍晚可以去行下街, 之後去海邊一間中式廟宇旁邊的泰國餐廳食晚飯, 佢地既泰式海鮮餐係最好食的. 不過我唔記得間餐廳叫做什麼名字, 只知道佢係位於一間海邊中式的廟宇附近, 門口是用咖啡色的竹做佈置, 你到了門口接待處取位後要經過一條竹製走廊才入到餐廳內. 餐廳亦請了一個樂隊來獻唱英文歌及接受客人點唱, 佢地什麼英文歌都懂得唱架, 而且點唱是不另收費的. 晚飯後可以去做泰式香薰按摩, 做完之後成個人都舒服晒及晚上會好好訓的.
DAY 2: 在華欣的旅行社找一個專業導遊帶你去一些國家森林公園OR洞穴探險.
DAY 3: 可以去華欣附近的小鎮七岩行下. 其實當你在華欣海灘的時候, 是可以徒步行過去的, 因為華欣的沙灘係呈長形及和七岩的沙灘連接著. 不過如果你們當中有小朋友OR長香的話, 建議你們坐車, . 坐車時間大約30分鐘便到達七岩. 七岩主要是去沙灘及行下街.
P.S.: 我曾經在華欣的街頭找到一個小販阿伯推住手推車仔賣雪榚的. D個阿伯的雪榚好特別, 佢係會用一塊白方飽再包住一個雪榚球賣比你的, 而且D雪榚球有好多種味道比你揀及非常衛生的, 所有白方飽都會用有蓋的器皿裝好, 雪榚是用雪櫃裝住的, 所以大可以放心食用. 方飽雪榚每個只售5蚊泰株, 應真抵食及值得一試的. 由於該阿伯是一個推住車仔賣雪榚的流動小販, 每日的擺檔位置都會唔同及時常四處走位的, 能否見到他就要靠你自己的運氣喇!



2007-12-06 18:53:46 補充：
不論你去到華欣或者七岩, 近住沙灘區的街道都會有一些店舖, 門口會有一大塊玻璃門張貼左一些當地的大自然風景相片的, 那些就是當地旅行社喇. 不過你要問多幾間夾下價先好報團.