救命!110V電器燒左火牛!!!

首先，你插變壓器時有唔有連吸塵機，如果有，都可能連你架吸塵機都會有問題，因爲尼個火牛係 1 ：2.2，當你將火牛插入電源時，輸出就等於 220V x 2.2 = 484V，484V 就入佐你既小型充電式吸塵器。
其實，火牛100V轉(升壓) 220V 同 220V 轉(降壓) 100V 係可以掉轉用既，只要你將220V 戈向插入13A 插囌，就無問題，我建議你係輸入端加保險絲，如果火牛100VA就用0.5A，200VA就用1A，600VA就用3A，如此推類。


2007-12-06 21:13:06 補充：
今日有人攞佐一架110V充電式既電風扇來比我睇，佢話插佐入220V既插囌開電時出佐煙，我折出來睇只不過係火牛燒佐罷了，内部機件都無壞，我買佐只 220V / 12V 火牛換佐，家陣可以用，充電已經八個鐘佐，顯示燈已經閃下閃下，開風扇又會轉，等我闗佐電先睇可以行幾個鐘，到番頭話你知，只火牛價值HK$25.00，你都可以試下搵D有信用既電器修理店修理，不過可能要幾十蚊架。

2007-12-06 21:18:43 補充：
andy2787
講既無錯！應該先檢查小型充電式吸塵器是否還可以運作(馬達不會很容易就燒應沒問題)，如可以運作的話，充電座可以直接換一個 220v 的火牛(把原來的換掉)，只要直流輸出電壓與原來的要求一致便可差電(輸出差電電壓請參考小型充電式吸塵器的標簽，應有提示)，充電座的電路板可能已經損壞，但應該係簡單的整流裝置，只有幾個零件，修理並不困難。

2007-12-06 21:23:38 補充：
我修理架充電式既電風扇只不過插佐入220V既插囌開電，所以無咁傷，整流裝置並無燒壞，家陣仲行緊，忘記同你講，架充電式既電風扇摩打係直流電12V既，所以有得整。

2007-12-06 21:39:58 補充：
充電式既電風扇既電池係 12V7AH，唔同既係充電式既電風扇係有線既，小型充電式吸塵器應該係無線既，係有一個底座既，相信電池都無12V咁大，修理唔會幾貴既，架充電式既電風扇仲行緊。

2007-12-07 17:46:33 補充：
戈架充電式既電風扇已經搞掂，電風扇既主人話今晚請吃大餐wo，不過我唔會忘記吃鹹魚花腩煲既。

1. 檢查小型充電式吸塵器是否還可以運作(馬達不會很容易就燒應沒問題)。
2. 如可以運作的話，充電座可以直接換一個 220v 的火牛(把原來的換掉)，只要直流輸出電壓與原來的要求一致便可差電(輸出差電電壓請參考小型充電式吸塵器的標簽，應有提示)。
3. 充電座的電路板可能已經損壞，但應該係簡單的整流裝置，只有幾個零件，修理並不困難。

希望幫到你！！

2007-12-07 09:35:22 補充：
多謝何福良兄之認同，他是個有料到並熱心回答的網友，出了唔少力架！不過豬腩肉都好勁，回答問題大家出少少力幫到人好開心。

我相信係無得救，有人做的不過一定貴過買一部新的，好多時都係唔係無得修理而係值得嗎，所以無法
上一位何先生又一次問非所答，唔係專業人士都唔知講咩，唔係要知專業解釋係要知道如何及可有得救，答左等同無答=等同放屁