好多野已經令我唔再信神，有乜解救？

唔信咪唔好信囉, 最緊要信自己~~未來係靠自己開拓
唔捱都捱左咁耐啦, 冇理由宜家先放棄 , 之前咁辛苦捱咪白費?(你好似捱左好耐咁)
唔好絕望 ... 如果事事都順利...你既人生我諗會毫無色彩 !!
要有對比 , 先會知道咩叫開心 !!
積極d , 唔好諗埋一面 , 積極咁面對人生啦 !!
人生真係好寶貴 ~~
加油呀, 人生係充滿希望 !!

人生有很多際遇，未必可以立時解釋的。
先不要把一切的問題，歸於信仰，也許是我們處事過程未成熟，而引致不順利。
你可以找一些你信任的人，分享一下你的困難，看看有沒有出路。 我相信，你所信的神，必會安排適合的人來幫助你的。

我建議你睇下一本書:

why i am not Christian.

你就會知道點解,

而如果你信神係一種功能性, 我寧願你搵社工, 佢會幫到你多d.

我都試過大鑊過；差d畢唔到業，失戀，朋友自殺，失業，被人地勁否定...總之就頭頭碰着黑，諸事不順，自我價值跌至底谷啦

你期望信仰俾到乜野幫助你？抽親新股都抽到？界親女都掂？買親股票都升？打golf一扞入洞？一出街就執到錢？

當我睇返以前ge大鑊野，我發現若我再一次落入相同處境，我已憧得如何面對及處理了；

相信若再有更大鑊ge野，我亦可以面對到

以我所知，信仰ge可貴(其中之一)，就係令人能夠跨過困難，未被困難擊倒，成為一個更勁ge人

好似羅文首歌咁：
斜陽裏氣泊更壯，斜陽落下心中不必驚慌，知道聽朝天邊一光新的希望
少少苦楚等於激勵，等於苦海翻細浪，藉著毅力志氣乜乜物物總要步步前望

好似李克勤首歌咁：
受過傷先知道要堅強，受委屈先至學會原諒

當你從另一個角度去睇，上帝雖然唔攞開d困難，但佢會幫你，將困難作為他日成功ge踏腳石

「你們所遇見的試探，無非是人所能受的。
　神是信實的，必不叫你們受試探過於所能受的。
　在受試探的時候，總要給你們開一條出路，叫你們能忍受得住。」
　　　 （哥林多前書 10:13）
神未曾應許，天色常藍，人生的路途，花香常漫，
神未曾應許，常晴無雨，常樂無痛苦，常安無虞。
神未曾應許，我們不遇苦難和試探，懊惱憂慮，
神未曾應許，我們不負許多的重擔，許多事務。
神未曾應許，前途順利，平坦的大路，任意驅馳，
沒有大山阻，青雲直上，沒有深水隔，一路通暢。
神卻曾應許，生活有力，行路有亮光，作工得息，
試煉得恩助，危難有賴，無限的體諒，不朽的愛。
^ 0 ^ 相信神,我曾經也跌倒過,神沒有離棄任何人,相反,只有人離棄神.﹒
{{足印的故事}}
每次我心中多悲傷，祂怎卻遠去剩我獨行，
每次我感到是寂寞，祂怎卻遠去剩我孤單。
默默地在我身邊的主，跟我低聲輕輕說出，
在絕望路裡的一雙，原是我的足印。

首先要感恩，
你願意分享你的難處，
叫我地能夠知道同可以盡少少力幫助你!

我地嘅信仰，
唔係一種「黃大仙」式宗教，
我地祈禱，唔係單單係許願。
我地看的，是永生。

你願意決志，
即係你亦同意自己係一個有罪的人，
加上，由那刻開始，
你願意讓神掌管你的生命，
你亦希望可以得著永生。

在遇到問題的時候，
我可以同你講，
有好多基督徒，
原來都曾經經歷唔到神，
你亦可能在此試探當中，
就好似聖經入面，約伯咁樣~
約伯誇過了考驗，
神最終都賞賜他，
同樣，有好多基督徒都誇過了，
但亦有好多跌倒，
從此唔再返教會，離開神。
你願意成為哪一個?
你願意就咁就離開神嗎?
你可以做嘅只係離開，
但你唔可以否定神嘅存在，
你認為就咁就離開，值得嗎?
神難得地可以從眾人中拯救你，
你願意就咁就離開衪嗎?
神珍視我地每一個。
有d試探係神所應許的，
神知你的能耐可以誇得過，
衪希望可以藉此讓你的靈命更進步。

要謹記，
神未曾應許天色常藍，
但衪永遠在我們身邊，
當我地犯罪，想離棄神，
係我地離棄，而神從未離棄，
神對我地每一個都一樣。

另一樣是，
神在你心目中係個怎樣的角色?
我地都明白，人係剛硬的，
總想自己作主，
但當我地叫基督作主的時候，
請大家都謹記，作主的是衪，不是我們。

所以，你首先要跳出框框，
看看自己的問題，
當我地感覺唔到神的時候，好多時係因為我地的驕傲同埋對神膚淺的認識，
我地想神幫我地，係唔係因為我地在妄求，根本冇聽清楚神想我地點?
仲有係要緊記，作主的不是我們，而係神。

留意吓身邊嘅人，
可能神已經幫你預備咗好多的天使在幫你，而你唔知~
(也許我地咁多個回應者來遇見你的問題，也是神的安排)
同埋返教會啦~
入面你會遇到一班願意同你分享同分擔的弟兄姊妹~
佢地會樂意分擔你的難處並助你解決~
多d祈禱，
留心聽吓神想你點同埋求神加給你力量勝過試探，
讓你成為一個可以經歷神、擁有豐盛生命的人，
要知道，神比我地了解自己更多，
我地經歷過或未經歷的每一件事，
神都知得清清楚楚，
我地的能耐都係神知道的，
神唔會將我地完成唔到嘅重擔俾我地，
所以要多祈禱，靠著神的力量，放手讓神揹起你來完成呢個你可以誇得過嘅試探啦!
仲有就係要多睇聖經或者如果你初信的話，
你去d基督教書屋會有d適合你嘅書，
睇多d，了解神多d，以至於我地唔會因對神的認識過於膚淺而容易跌倒，
記得耶穌受魔鬼試探時都係用聖經內的經文來誇過!

好希望以上短短嘅字可以幫到你!
誠言，有好多都係好難的~
好多功課，我自己都在學緊~
但既然你都誇得過咁多，如果就因為今次就跌倒，
將會係一件好可惜的事，
所以「你要剛強壯膽」
求神開你眼，打開你的心(呢首歌聽過嗎? 叫<<你是我王>>)，
靜下來，感受一下神，
可能神未必伯即時回應，
但耐心，靜心等候，
你一定可以經歷神。
求神加給你力量，因為「我靠著那加給我力量的，凡事都能作」，
希望你可以勝過今次的試探，
叫你藉此，經歷神更多，與神更相近~

事實上，我回應你呢個問題時，
一路有祈禱，問神我可以點回應~
當中我有d諗到，然後又唔記得的，
祈禱後好奇妙地又記得要同你講咩，
神同樣地看顧你，以致我可以講出以上的話，
是一件十分感恩的事。
我地信的是真的、活的神，
所以請不要輕易放棄!
要加油依靠神!

願主祝福你!

2007-12-12 03:43:57 補充：
我啱啱上星期返教會，係講到，有人一直向上帝呼求，但主都一直冇回應的時候，人可以做的，除咗等之外，就係改變自己嘅心態。你有冇想過點解自己會唔開心??我認同牧師講的一句:「其實開心同唔開心，都係自己決定而己。」問題係你點睇發生喺你身上嘅問題，或者你諗諗吓，再加上唔好諗咁多以前唔開心的事，因為你可能有太多唔開心的事了，唔好諗咁多等自己冇咁大壓力先~解決完一樣先一樣~同埋放開d嚟等，可能睇法都會唔同呢~

2007-12-12 03:45:05 補充：
同埋我地都唔係一定要乖乖地，閉起雙眼，雙手緊扣先叫祈禱，基督徒鍾意咁係因為咁會專心d~但其實我地可以就咁在心裡同神傾計~求神幫助~或者你可以去吓d遠d嘅地方，遠離返個都市，在一個舒服嘅環境下一路行一路在心裡同神傾計，可能都會令你會開心d同容易上手祈返禱先~

2007-12-12 03:48:34 補充：
或者你去吓d基督教書屋，好似沙田間天道都幾大間，在連城廣場4樓的~d staff應該唔會好易留意到你在打轉~我諗你應該唔會有心機睇書ga la~淨係睇吓d精品同埋d精品/卡上面d金句~雖然字少少，但嗰d金句係多數人覺得可以最加到力俾佢地嘅金句，你去行的時候都不妨睇睇，可能你就會發現自己遇見神，搵到句幫到自己嘅金句~最緊要的是，因為基督教書屋係一路播詩歌的，你一路睇嘢的同時，其實都可以令你的心慢慢安靜同平安下來~

2007-12-12 03:48:57 補充：
或者你可以試試以上的方法，希望可以幫到你，仲有係介紹首歌俾你(唔知你聽過未?^^)係張敬軒的 ，有d歌詞都會幾touching~^^~留心一下希望你可以重新得力!http://www.gnci.org.hk/web_card/select_ecard.php?ecard_content_id=518我會為你而祈禱的，求主給你加力!^^我知你重視主的，唔係又點會一直的在追求?^^而家只是在間中無力的狀態...所以，要繼續加油啊!

想問你一個問題:
你用甚麼來建立你的信仰成為根基?
環境?遭遇?情緒?朋友?還是其他呢?

人生的確不易, 若想有求必應, 可試黄大仙(雖然未必靈)!
耶稣對門徒說:"在世間你們会有苦難!"
信神的人, 在苦难中, 知神同在, 便有勇氣, 否则便耍神作他的僕人, 這不是信!
信仰便不会對你有帮助了!

我唔知道你發生過D咩事,但我想我的經歷同你果D都好似,所以也明白你的心情

但你信耶神都信左一段時間吧,就算你對佢有D咩不滿,都唔好話佢治,

話晒佢係你信開果個神.你覺得佢幫你唔到,咪暫時唔好理佢囉!!

又或者你可看看唔同宗教的理點和修持方法,睇下幫唔幫到你

www.ucchusma.net/samanta/Manjusri/ex/index.html 其中尾五果篇文
"略論文殊法門的圓頓與漸次"雖然比較長,而且你或會覺得看來幫唔到你D咩,
但試下慢慢看,唔明就唔理佢治,同慢慢理解一下

還有www.cunde.org/你都可以睇下,看看準提咒幫唔幫到你

說不定當您有日順利時，就會明白過去的一切，亦懂得珍惜，亦能從苦難中學習。有否聽過神未曾應許﹕天色常藍這首詩歌，或者您聽多些詩歌就能舒緩您的不快呢~繼續祈禱，讀聖經吧~