✔ 最佳答案
>>洗水色牛仔褲 + 件黑"率"衫 + 白波
呢d都係色彩低調0既衫,其實係好百搭0既,幾乎就係咩色咩款都得。由於佢地0既色已經好低調,我建議你可以著d多色、鮮色0既外套。
想顯得開朗的話,用較鮮0既紅、黃、藍、綠、橙、紫都可以。當然,你件褸唔會成件有齊咁多色,我的意思是,例如你可以選成件藍色有白邊裝飾的,或者又可以選成件綠色有黃邊裝飾的。
想顯得有型0既,你亦可以買灰色,不過我比較建議深灰。其實男仔係著深色型d,特別係黑色,因為黑色0既視覺效果較強烈。所以如果你裡面果件唔係黑色0既話,我都會推介黑色褸XD
係有帽0既好,通常有帽0既衫睇落去有活力d,通常人穿起來都可以顯得年輕。不選有帽的話你可以選企領,企領褸會幾型同成熟一點。
我推介的是實惠一點的牌子,UNIQLO或BOSSINI吧,佢地D衫都好著唔易爛。
UNIQLO衫款幾簡單,大部份都係淨色,最多都係間條咁。佢勝在多顏色選、而差唔多款0既衫亦都會有隻厚有隻薄可以選。薄果D大約一百幾蚊,厚D又暖果D大約二百幾蚊。
BOSSINI衫款無上面果個咁簡單,會多少少detailing,不過價錢又貴上面果個少少囉。