鼠鼠問題~

你隻鼠既情況唔建議你去問鼠店,因為鼠店冇野可以幫到你,有d鼠店冇藥物幫到你既時候,可能會胡亂叫你買一d藥,早前都有網友隻鼠隻腳骨折流血,最後去完鼠店,就買左d皮膚病既藥水返唻
鼠店始終都係做生意既地方,講既野未必可以盡信,如果亂咁買左d藥返唻,一來毫無幫助,二來可以令病情惡化都唔定,加上都係浪費金錢既做法

冇錢帶鼠鼠睇醫生,首先建議你再同家人商量一下,再唔得既就試下儲錢吧,寵物既醫生係幾貴,冇錢醫實在冇辦法,現實有時就係咁樣

唔知你幾大年紀,其實養寵物之前都要諗返寵物都有病既時候,最好就係養之前儲定錢先,我細個既時候都係,儲定一筆錢俾鼠鼠,自己玩少d買少d野,過年又俾多d錢落去當俾利是俾鼠鼠,建立個人儲蓄習慣,仲可以有咩事有筆錢用落鼠鼠身上

儲夠二百幾既話,可以去愛護動物協會流動醫療車,之前都有同你講過,百幾元診金(好似係百六),針藥另計,去既話記得早d去排隊,我之前去過,未開始已經有好多人排隊等,去到車既位置如果見到人排隊,又拎住d寵物,就可以問下係咪排緊,咁就早d排得了
http://www.spca.org. hk/chi/vet/moclinic. html

如果真係唔會去睇,又或未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

想講事實俾你聽,但唔好傷心...
倉鼠只有幾年命,好多人都係養到一、兩年(識養的話)。而獸醫多數只識醫貓狗,只有少數醫生會醫其他寵物,但費用會好貴,一次診症要用幾百元。另外,仲要睇你的鼠鼠係邊種病, 要開刀的病症連醫生都會勸你放棄(因為太貴和難度高)。
個人意見係去賣鼠鼠的店舖問問,簡單常見的病他們可能有方法醫。唔得的話,你就盡量對佢好d,等佢舒服d啦