請問有冇人會好鐘意食凍飲的冰粒

有呀！不過唔係我,係我姨甥仔！

佢而家十歲,由 BABY 開始,已經好鍾意食凍嘢,大個少少,大約兩、三歲左右開始就食冰粒,其實佢係差不多逢凍嘅嘢部鍾意,例如:凍飲、壽司、落雪諸如此類,總之俾到佢凍或涼快嘅感覺就鍾意！

對身體有冇影響？我認為當然係會有,因為人體嘅運作,就好似一部機器咁,你都應該知道人嘅體温,係大約36度,當佢運作緊嘅時候,你係咁倒Ｄ凍水落去,一段曰子後,身體便會出現問題,就等如部機器運作緊咁,你試吓倒Ｄ水落去,佢就算唔全部壞晒,都會有Ｄ地方壞咗啦！

好似我姨甥仔咁,佢而家可以喺屋企,開大冷氣,（係開到幾大吓,你想像一下,喺夏天開大泠氣,凍到我要著褸）,佢竟然只係坐喺度都可以出汗,但係佢並唔係覺得熱,Ｄ汗係自然咁流出嚟！

這些都是長期進食生冷食品及冰粒,令到體內嘅器官運作不暢,日久積聚所造成的陰虛耗損,他現在又很容易生病,以佢嘅年紀同埋現代嘅生活質素,係唔應該有咁嘅現象！

所以我勸你都係唔好食咁多冰同凍嘢,而大部份茶餐廳Ｄ冰,都係水喉水就咁整,Ｄ水係唔會過先用嘅,就算係送貨嚟嗰Ｄ,都只係經過吓消毒同過濾,當中有好多細菌都未死,而喺運送過程之中,難免接觸到人手,所以衛生都有欠保障！

年青人通常都係陰虛火旺,搞到Ｄ皮膚又油,個身體又覺得熱,想食凍嘢係人之常情,但其實咁樣係惡性循環,真係幫到你嘅,係飲室溫水,即是大約25度左右！

希望幫到你！

我本人lo! 我知道是沒益!!!

差不多所有年青人都鐘意食凍飲的冰粒,對身體應該冇嚴重既害處, 不過亦冇益。