倉鼠既問題?(15分)

A.倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分.

B.懷孕或懷疑懷孕要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

C.另外,雖然你既鼠有交配,但肯交配唔代表唔會打交,鼠鼠本身已經易打,再一大一細既鼠就更易,就算唔打,都要考慮返咁樣繁殖落去,如果同一時間兩隻鼠都懷孕,當佢一生生6隻,一個月當佢生一胎,一個月就會多左12隻鼠了,如果繁殖完又再繁殖,就更加係數唔清咁多隻,希望你真係諗清楚係咪真係有人要or處理到咁多隻鼠

當有鼠b之後,鼠b戒奶係需要同父母分開住,唔係父母都會傷害鼠b or亂倫,同一胎既鼠又有機會打交,最好都分籠,就算唔分,男女都要分

記得你之前已經話隻鼠已有打交既情況,實在希望你真係諗下鼠鼠打交同繁殖既問題

繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

有bb 個肚會好大架, 好明顯的, 不用擔心。
但大左肚之後, 最好分開隻大肚的女仔。
因為bb 出世後, d 男既會對d bb 有攻擊性!

另外, bb 出世後, 千萬不要騷擾d bb 同媽媽!! 因為如果媽媽覺得唔安全, 佢會食左d bb 架!!!