✔ 最佳答案
之前去過啦。呢間公司尖沙咀果度嘛。
他們是話係一門生意, 買佢的野時, 又可以幫你賺到錢的, 所以佢地呢間野唔係叫你買佢d野, 主要係叫你做生意, 不停咁介紹人入黎開分。
你入左會, 買分可以換物品, 然後介紹人入會會放在你下面(類似收下線), 人地買分時佢地買一分會上你個account度。
但係用雙線制, 即係你下面會員係分開兩邊架, 要兩邊分別上傳7分, 加埋14分 一個bingo, 有錢比返你!
所以即使你一邊線有好多分上傳比你, 另一邊線冇分比你, 一樣係冇錢收。
要注意囉,佢地會講到好似好易賺錢咁,叫你開多d分, 介紹多d人, 到時你下線再介紹人你又會有分咁.....
總之類似傳銷, 但係又唔係一樣!可以話係一個新類型傳銷囉, 已經好幾年了。
總之賺錢的人可能係有, 不過一定少, 賺唔到錢又浪費時間的人多。如果唔係間公司一早收檔啦!
小心d, 你上到去, 佢地又會比好多野你睇, 又話好賺錢, 又話月入好多等等.....
仲要叫你join了會員後唔好講比人知住........
總之一句, 就係你女友耳仔軟比人叫到佢開分比錢, 然後佢又要叫你開分, 假如你比錢開分後, 成為她的下線, 你又要繼續叫其他人比錢開分......不停咁落去....
間野係咪騙錢? 兩睇啦。
要買野駛鬼去果度咩, 佢d野唔靚架, 又貴到飛起, 第二度大把靚過佢啦....
佢地實話佢地賣d野好掂, 仲會不停有新野賣等等.....明眼人一睇就知吹水!
如果你睇唔o岩佢地d貨品,佢地又會話, 當係黎做生意, 有錢賺等等....你如果後生d, 又會話學到野 識到朋友....等等.......
總之無所不用奇技........都係想你比錢開分...........
我冇其他網上資料比你的, 我之後都比朋友拉過上去.....開了分, 然後又叫左d朋友開分等......所以這是我親身的經歷....我可以話比你知, 我同我朋友都係賺唔到錢既!有人係收到錢, 但只係同d開了的分打個和咋, 但係所付出的時間和金錢超級多....得不嘗失呀
最後全部人離場後大家都唔覺得係有咩得益囉....受騙多d.......然後睇返叫我入去果d人, 最後咪又係全部走頭。點解呀?直d講, 因為佢地都係比人騙左比錢開分, 所以要走去騙返第二個人, 做佢下線開分 想拿返d錢走,
你忍心自己去做左水魚 又要叫埋朋友去做咩?
老實講, 我的確係叫我朋友做左水魚, 我到現在都覺得有d內疚囉....不過我地大家都識左好耐, 冇話影響大家的友宜既.....唉, 只係有d 唔係好熟的朋友 叫佢地開左分, 後悔囉...
叫左咁多人去比錢間公司呀...賺錢既唔係你地呀!係間公司呀
打左好多字, 如果你睇曬, 你好野。
有甚麼不明再問我。
2007-12-06 11:10:59 補充:
補充之一我已經答了一次你的問題, yahoo 知識 唔比我再答。不過我這裏答你, 係唔須要退會既!呢間野, 基本上係以人與人之間的關係收會員, 即係朋友叫朋友, 你做或唔做, 都只係會係你的朋友或你上線打電話比你, 同你聯絡。相信你女友都係比朋友叫去囉。講真呢間野賣的貨物根本就係廢!記得一支紅酒賣一分, 果時一分好似係$2,800。即係一支紅酒賣 $2800, 貴到飛起, 但係甚至根本比不上超市百幾蚊一支的紅酒...待續...
2007-12-06 11:12:08 補充:
補充之二所以它們賣的東西只是一個幌子, 目的只係想合法地收你錢, 因為佢地只要係有貨品賣, 咁就唔係犯法。所以你唔需要去深究他們賣的東西 點解咁cheap都賣到咁貴!仲有, 你話有香薰賣, 我以前係冇既, 佢地一定係話到係外國名牌, 好出名等等啦....不過都係廢既........佢地總之賣點就係你開左分, 介紹人黎開分(收下線, 不過要雙線) 就有錢賺, 係一門生意!呢間野冇特定的東西賣架, 成日話會引入d優質貨黎賣, 根本係廢物。要買靚野一定唔去果度買, 第二度靚過佢又平過佢。待續...
2007-12-06 11:13:08 補充:
補充之三我可以話你知, 咁耐以黎, 果間公司係冇打過任何一個電話比我, 冇寄過任何一封信去我個地址, 以為開了分, 打比我的只有我朋友, 還有所謂的上線........你想想, 不停咁介紹人去間公司比錢開分, 最賺錢既就係間仆x公司。佢只係比d 廢物貨品你。一則, 等你覺得係買緊野。 二則, 主要賣點係話你介紹人黎有錢賺。佢用d資料黎做乜?我唔係該公司職員, 我唔知道。不過唔需要擔心囉。唔想做丟頭走人。同哪些叫你女友去的人講, 唔玩, 叫佢地唔好煩。你想了解多d, 你自己上去, 佢地好歡迎, 因為佢地「唔怕你精, 唔怕你呆, 最怕你唔來」完