偈油,偈油格,波箱油,油渣格,風格 問題

首先，呢D車一般要經常注意同更換既有四油，三隔，兩水，偈油、波箱油、尾牙油、迫力油、偈油格，風格、油渣格、水箱水同電池水。

以我咁耐以黎經驗同問車房D師父，偈油同偈油格一般5000至8000公里或4個月換一次，以先為準，要睇你多唔多著車行車，如果你行得密，可以差不多8000換一次，如果你行得唔多，但成日著住部車的話，5000過左或夠4個月好換一次喇！

風格就每換偈油隔一次更換，唔需要換果次，可叫換偈油果度D人用風槍同你吹下個風格，而一般風格都係用紙造，所以，千祈唔好用水沖，除非你用海綿或可清洗果類風格。

波箱油就大約25000-35000換一次，同偈油一樣多唔多行車，睇你點揸，我通常行到20000咁上下以後，每次換偈油果陣，我都叫換油個師父同我睇睇，當D波箱油有D立立地，即係岩岩夠期要換，千祈唔好等到好立果陣先換，但小心有D只為賺錢既鋪，係唔係都叫你換，以我為例，我呢轉33XXX都未洗換住。

迫力油最簡單，迫力油壺有刻度，自己買，得閒先望下，唔夠就加。

油渣格以你入油站油計，10000或半年換一次。

尾牙油方面，未到20000左右倒或一年就要換，同波箱油一樣，你可以叫換油個師父同你睇睇，尾牙油好緊要架，遲左換，尾牙響會VV聲，嚴重重會燒尾牙，到時唔該抬過副尾牙。

水箱水要留意士啤水箱，唔夠，就自己買支水箱水，一般你可以1比1咁溝清水，我就溝蒸餾水，加返佢，平時再留意下有無大食水箱水，無大食水咁就ok喇！

最後電池水，又係得閒留意下，我一般兩個月望一次同加水，每次檢查時，電池頂D扭著個扭開，個口入面兩邊有兩條膠骨，睇睇D水有無岩岩掂倒條膠骨，有就ok，無就又係自己買返黎加返佢，唔洗亦唔好走去買紅色果D電池水，用蒸餾水就得，亦係最好，記得加到岩岩掂倒條膠骨，唔好死入爛入，入太滿舊電池會谷硫酸，一來好臭，二來谷出黎D硫酸會拿電池附近D野，三來舊電池會死，如果得太多，可以用針筒吸返出黎。

一般新車,頭一次換偈油及偈油格係 1000到2000Km左右,(睇車主手冊)我就頭1000Km換一次,行到3000Km換第二次,5000Km左右換第三次,以後就每行5000Km至換偈油同油格.舊車係上次換油後行5000Km換偈油同油格.
波箱油每行30000Km或三年要換一次.
油渣格就睇你用邊種柴油啦,油站加,定其他地方加(紅油).一般同換偈油時一齊換.
風格一般行10000Km換一次.當行到5000Km換偈油,油格時可以叫個師傅用氣喉幫你吹吹個氣格(塵格),車會爽啲.
我自己部係KIA,2.7柴油貨van. 希望可以幫到你

2007-12-05 10:38:13 補充：
行尾轆啲車,重要留意要換尾牙油.

正路就5000公里換一次... 但冇人咁快 ka la. 我揸開車....多數10,000先換 lor. 都冇乜影響既. 至於風/油隔... 如果行到成10,000.... 換埋佢 lor. 有 D 人慳, 搵水沖乾淨佢再用. 每2次換偈油, 先換1次風/油隔 lor.
波箱油... 好耐先換一次 ka wor......視乎你點樣用車啦. 但通常係你自己揸車時, 覺得架車 'lup' lak.......先換 ka.

按照日本設計標準，波箱油無需更換；風格油格about 5000km換一次；詳盡資料可以查詢你部hiace隨車手冊。