✔ 最佳答案
律師樓未必做得切，
其實買賣樓宇，看似簡單，實質上，有好多文件上geh功夫只有律師樓職員先知，
客人未必會明白。
等我解釋你知。
1. 你賣出樓宇，咁你而家有無按揭呢？如果無，手續上，應該會快d，但如果你有按揭，未供完，律師行會出信到你的按揭銀行，攞番d契出黎，但銀行一般要十四天先可以把你的樓契送交至你的師行。
2. 當律師行收到銀行送來的契，又要將呢叠契送去比新買家律師行。
3. 新買家律師行收到叠契，又要睇清楚d契有無問題，(通常新買家律師行有七天geh 時間睇契)，如發覺契據有問題，佢地會寫信向你geh律師提出業權質詢（作為賣方的你，你必須留意，你是有責任提供一個良好ｇｅｈ業權給予新買家）。
4. 如果你間屋係頗為新geh樓宇，d契通常都唔有大問題。
5. 但如果你間屋係比較舊geh樓，可能d契會有以下geh情況發生，例如︰-
a. 你d契唔齊，可能在你做業主之後，有d新geh 契註冊上去土地註冊處
（打個譬如，如果你ｇｅｈ大廈轉左新管理公司，咁咪多左一份新ｇｅｈ大廈公契； 又例如，你做業主後，大廈收到屋宇署通知要維修，咁屋宇署可能會把一份叫做命令geh 文件註上土地註冊處）
b. 又例如，以前ｄ業主簽名果ｄ契，簽名唔同左（因為逢係新業主用左某一個簽名樣式，第時賣出時，亦要簽番果個簽名樣式）
c. 又例如，以前ｄ契，業主ｄ身份証號碼／業主名／物業地址等等等，可能打錯左
6. 好啦，買家律師行睇完契，賣家律師行又要答契，來來回回，可能都用左２個星期
7.跟住，你ｇｅｈ律師行又要準備一ｄ文件， 如贖樓契／對數表／問銀行還款數等
除非你無按揭，加上你ｇｅｈ物業係比較新型ｇｅｈ大樓盤，否則三星期內成交可能會急左ｄ。
其實我都係做呢行，由於呢兩三個月樓市好旺，我晚晚都做到九點／十點！但客人係唔會知我地要準備幾多功夫，請諒解！
2007-12-05 00:14:21 補充：
*************************** 補 充 ********************************************咁你有無按緊銀行？如有，你可以問下你律師行，銀行送左叠契未呀？如律師行已收契，咁你geh律師行是否已把樓契送交至新買家律師行？仲有，原本geh 成交日係幾多號？....(我仲未答完...,,,,)
2007-12-05 00:15:18 補充：
*************************** 補 充 (2) ********************************************(如果只係你單方面想提早成交)咁新買家未必會同意(因為新買家可能無充足geh時間去申請新按揭？除非新買家唔需要做按揭)不過，既然你係一手契，咁契據上應該唔會有大問題。如果你想早於原訂日期成交，咁要得到買賣雙方同意。首先可透過地產代理問新買家是否願意提早成交，如ok，你要通知你律師行寫封信比新買家律師行(要求提早成交)。
2007-12-05 00:17:34 補充：
*************************** 補 充 (3) ********************************************跟據我geh 經驗，一般樓宇買賣，最少用一個月至一個半月時間
