回歸之前，中國快速香港化，香港則急速美國化，是否對香港有利？

你係咪香港人黎架？你對香港嘅歷史真係一啲了解都冇個咩？

香港五至七十年代，點解香港有咁鬼多人才、資金、廉價工人黎香港呀？咪係因為中國唔好囉。

香港呢幾年，點解要「經濟轉型」呀？點解咁多「雙失」呀？點解咁多工廠執笠呀？點解咁多精英唔見左呀？點解咁多資金外流呀？咪係多得阿鄧仙人佢嘅改革開放囉。

如果你對香港嘅歷史有返些少嘅認識，加上你有啲啲咁多智慧嘅話，你就知道「中國好，香港更好。」呢句野係搵香港人笨七嘅大話囉。「香港好，深圳好。中國好，香港唔好。」呢個先至係真個囉。咁香港點先左好呀？「中國唔好，香港就好，因為可以執佢死雞。」

你都有睇電視嘅新聞架啦。「只要香港人發揮佢嘅優勢，就係對中國嘅貢獻。」香港到底有乜野優勢啫？咪係大陸冇嘅香港有囉。咁香港有乜野大陸冇架？鄧仙人年代，咪係錢照賭，雞照叫囉。而家都俾澳門過左我地頭啦。咁而家香港仲有乜野優勢呀？人拳、文煮、髮字同鼓油呀？記唔記得臨立會第一次開會，就已經打贏左香港嘅《人拳法》啦。而保障工人拳益嘅「雜睇啖盤拳」，工聯會同埋民建聯都話，回龜前通過得太過草率，所以要推翻，遲啲再算，遲到而家大家都唔記左啦。

咁文煮呢？最快都要等到２０１７先有多小小機會煮到一半囉。而垃圾會呢半鑊文煮，仲唔知要等幾耐先煮得成添。無計啦，垃圾會呢鑊野，要煮嘅話，就要同果班攻人組別嘅太公囉豬肉丫嘛，俾你係太公，你肯唔肯俾先？梗係唔肯俾啦，係好似吳靄儀呀、張民光呀呢啲咁嘅傻佬，先咁肯戇居，分舊豬肉出黎啫。而《鏗鏘集》都講，人地俾人屠殺左幾廿萬人嘅南京，都已經俾香港民主啦，南京人連局長都可以俾過佢地果啲市民去選。咁香港又唔可以同人地南京俾嘅，人地南京果晒都係前朝民國首都丫嘛，國父　孫中山先生都係喺果度做總統喎，南京人又幾經風雨，梗係民智高啲啦；香港人，不嬲都俾班死鬼佬管，梗係冇人地啲南京人咁高民智啦。

而家香港咪剩返啲髮字同埋鼓油囉。不過，香港都有番咁上下年紀啦，你睇下胡仙梗野，你睇下愛思鑊野，阿夏佳理生見到香港脫法脫得咁犀利，都忍唔住咁講句：「The loser is Hong Kong.」唔左幫董伯伯植髮啦。仲有《基本法‧廿四條》呢？香港嘅髮治俾阿董伯伯抆走左幾多條呀？仲有《基本法‧附件一》同《附件二》呢？香港已經出現左地中海啦，仲有幾多髮可以俾香港人去醫治呢？

好彩，《基本法‧廿三條》呢條白頭髮，被香港嘅泛民以文煮嘅方法煲走左，香港仲有幾滴頭髮鼓油囉。

「香港人要保得住自己嘅優勢，先至可以為國家出分力。」咁我地到底要唔要再食鼓油呀？鼓油係有味精架。你睇下阿劉嘉玲同埋阿嬌啦，食咁多鼓油食死你呀。哦，原來香港出品嘅鼓油，一定要有味先受歡迎嘅……有味嘅香港鼓油，咪就係香港嘅優勢囉。咁點解《中大學生報》會俾人周嘅？因為佢開盅明義講明自己係情色丫嘛。香港人不嬲都唔鍾意講情，只鍾意講錢架啦，佢地果啲情仲有色嘅添，你話死唔死？鼓油最梗要係有味同有錢，有味咪受大眾歡迎囉，有錢俾安家費咪乜都得囉。

「要兄弟定要黃金？」香港人一定答你：「要兄弟，因為幫唔到我賺錢嘅我就唔當佢係兄弟。」

殖民漢奸？你指邊位呀？指幫過多位督爺入行政立法兩局做雙料議員，又俾港英政府委任做太平紳士，而又有居英權嘅范太同譚小姐呀？佢地而家都已經洗底做番個好人啦，你係咪要好似《無間道》裏面嘅梁朝偉咁，連條生路都唔俾佢地先？

定係，「殖民漢奸」，係指係港英政府的「殖民」時期，做出賣中國人、香港人利益嘅「漢奸」呀？果啲喺香港放菠蘿嘅人，而家已經飛上枝頭，拎到「大屎經昏章」喇，而果啲喺文革時期積極參與動亂嘅學生領袖，好多而家做梗達官貴人架，你講野真係要小心啲呀，如果唔係，《基本法‧廿三條》通過之中，你就會變成名正言順嘅「漢奸」架喇－－一係坐監，一係被放逐，冇第二條跟你揀。唔係，秋後算賑果陣，你仲可以揀「自絕於人民」一途。

回發問者：
禍不及妻兒！一人做事一人當！
希望你不再出言抹黑及侮辱我的妻子。
我的太太是「『不』愛國的『白』社會」來的，絕對沒有在香港「放菠蘿」，何況，中國中共產及毛澤東的崇拜者在香港「放菠蘿」的時候，我及我的太太均還未出生。