✔ 最佳答案
係機場最快既方法要坐巴士(飛狗)去台灣車站再轉捷運~去到新北投站落車~
差唔多到新北投既時候~打個電話上去荷豐館~叫佢地開車到新北投車站接你地上去
因為行上去好辛苦下~由其拉住一堆行李~
本人住過荷豐館~環境ok~房間都唔錯~但係佢地d溫泉水就無春天咁正啦~
d溫泉水好似水喉水咁~一d溫泉水味都無~
係荷豐館外面~有個地熱谷~好靚架~中意影相果道一流~
但不能逗留太耐~因為好臭= =
再行落少少~有個溫泉博物館~又係影相既好地方~
如果要食野~最好就坐捷運去返士林~有個好似街市既地方~好多野食~
但比個提示你~我覺得係出面街既路邊檔仲好食~可以一路行街一路食~
北投都好近淡水~都可以搵日去行下~
南京復興?係唔係忠孝復興?
其實去九份真係無得快~起碼要預左一日係去九份~因為車程都幾遠~
香港人去九份一定係坐火車再轉巴士~係台北車站坐火車去瑞芳站~
火車站頭有d小姐係道叫賣便當~可以買個黎影下相~好食就唔多好食架啦^^"
去到瑞芳站一出對面巴士站就有巴士去金瓜石~呢架巴士經九份~最好有位坐先上~
因為沿途好多山路~站係道會好危險~而且旅行一定會揹好多野~好唔方便~
上車前可以叫司機到九份叫一叫你地落車~台灣巴士司機都好好人~
但九份好易認~巴士上左山之後~有停站就望下~如果有個涼亭係巴士站附近既話~
就係到左九份架啦~記得要去食花生糖雪糕~好好味~
至於市中心有咩行~可以行下西門町~又或者去遠小小~
美麗華廣場~有個摩天輪~不過最好夜晚先去~因為靚d^^
希望可以幫到你^^玩得開心d