香港足球員的體能

我以前在美國讀大學時，同過足球校隊跟操，我在香港都有打過乙組，都叫做叻過好多人，以前在大專盃都係主將，同埋我身高五呎十一，一百七十磅，一向都以為自己有番咁上下，但係在美國跟操就完全不同。

佢地每星期練五日，係五日，一個小時熱身，係熱身吾係正式，包括十五分鐘好認真的伸展同柔軟操，之後係400M x 10 次跑步 (3分鐘 400M，連跑連休息，其實平均每1分30秒跑400M-最慢果個就係我)，之後各種盤球、控球、傳球等基本練習。熱身完之後都好累。

之後係60分鍾的健身舉鐵，SITUP、掌上壓等加強肌肉的訓練。最後15分鐘戰術講解，45分鍾落場踢。我話俾你聽，美國大部份踢波的都是墨西哥人，個個成個美斯的身型(有啲重瘦過美斯，得個五呎五，頂多一百三十磅)，但係落到場就 “飛砂劈石”，我個波都未到腳，已經成份鏟過來，根本控吾到個波，到我想鏟番佢地，佢地的基本控球前假身、準備動作、都做得好好，對眼四圍望早有準備，我連想踢佢地對腳犯規都踢吾到，真係 “毛都掂吾到” ，而佢地經已傳左個波再走位，在香港大專盃踢足全場的我，同班墨仔踢左十分鐘己經吾掂。

結果我呢個香港大盃的主將，後備都冇，同隊有個日本仔，佢體能真係好勁，可以應付到重入埋正選。之後我係咁跟操左半年，係叫做可以成為後備。但係感慨良多，以前以為係因為中國人體能差，但現在發覺係訓練的問題，而回到香港後，我踢番個乙組，人地個個問我好似變左力王咁，大佬，甲組一個星期都吾係練3小時x 五日啦，係美國大學的練波只係 “基本”。

首先，體能同身高唔成正比，個人高大，唔代表體能好。個人細粒，唔代表體能差

2007-12-04 09:57:35 補充：
香港球員體能差，某個程度係同種族有關，你睇中國國家隊oD球員，體能都唔多好。另外，訓練問題都有，因為大部份都係業餘，邊有噤多時間去訓練？

2007-12-04 10:00:52 補充：
另外，一隊波如果只係其中一兩個細粒，一般唔會有好大問題，但係香港係成隊喎！可能你會話，阿根庭都係成隊細粒，但係人o地阿根庭速度快、有默契、球員有個人技術，香港有乜可以同人比？

2007-12-04 11:26:18 補充：
呢個都同香港o既文化有關，唔多種視運動，做運動員好難搵食，所以即使有天份，大多數都唔肯做運動員。即使香港成績比較好o既運動，政府都唔多撥錢，咁更何況香港足球一直以o黎表現都唔好？足總無資源，點攪好training？日本、南韓一直以o黎都係亞洲足球強國，所以佢o地國家自然肯撥多oD資源，佢o地國民亦都會有人肯做職業球員。