✔ 最佳答案
速遞員由返工開始,(注意:一般速遞公司通常返8:30至8:45左右,很少返9:00或之後,因為要一早到客戶公司收文件的),首先看看自已負責嗰一區有沒有昨天還未做完的柯打(注意:通常熟手的速遞員會自己固定負責一區或數區的),然後拿著包裹或者文件出外派件,並且到客戶公司收取當天的柯打回速遞公司,(注意:除非公司批準,否則交通工具一律乘搭地鐵或巴士,小巴可免則免,嚴禁搭的士,Claim交通費各公司不同,有些幾天Claim一次,有些一星期Claim一次)
下午一時左右回公司,或者做完早上的柯打便可以回公司吃飯,然後看看自己嗰區下午有什麼柯打,跟著自己根據柯打的地點遠近,安排派送行程,一般下午2:00前就出發,拿著包裹及文件上路,通常下午6:00前要做完所有柯打,因為一般客戶公司都係6:00左右Close的,儘量當天完成所有柯打,不可留返明天做,否則會比人話,做完柯打便返公司,通常返到速遞公司都6:00後,所以你見工時通常都唔會明確話比你知幾點收工,通常都係話做完晒啲柯打便收工.
做完柯打返公司擺低收條,文件及包裹,分區放好位置,Mark低今日用咗幾多車費,以備第日Claim數.
收工走人,明天繼續,星期六多數返半日,紅色假期多數休息,因為就算你唔休,客人都要休,無人開門,點做柯打呢?
一天的工作大致如此,仲有無唔明?如有唔明,加在補充上,我會再回答你的.
2007-12-03 23:30:09 補充：
遇到的人和事:每個柯打都會有一張表格,寫明客戶地址,留意表格內指示你要完成什麼?例如:要你代收支票或現金,你要小心錢銀,數清楚數目,如要你收文件或包裹,小心處理,不要遺失,每個柯打做完,記得要客戶在表格上蓋公司以作証明,要準時,要有禮貌,頂得順月曬雨淋,風吹雨打等,都幾辛苦吓㗎!!!
2007-12-04 15:51:28 補充：
1.要帶八達通和手機,公司可能會有急件叫你做,所以要帶手機.另外最好買枝有齊紅及藍色的原子筆,可以寫低啲突發柯打,二來以備不時之需.至於雨傘,我覺得雨褸好啲,因為落雨時,你要揸雨傘,又要揸包裹,十分狼狽.至於水,就真係好阻礙喇,四圍都有7-11,唔駛自己帶水咁重. 2.手推車在現實上是十分不方便的,除非你拿得很吃力,否則用手拿最方便,尤其上落地鐵站,出入自動升降機,喺人多嘅街上行,手推車其實更加麻煩,如果落雨,你諗下會多狼狽,所以我認為用手好過用手推車. 3.單邊孭袋,因為孭上除下都快過人,而且入面有什麼文件,一眼望晒,背包雖然孭得舒服,但其實當你要喺入面攞嘢出嚟係十分麻煩的.
