友誼萬歲by農夫既歌詞

左一拳 右一拳 左一拳 右一拳

C君：今天我一早番學上課 隔離位個古惑仔就望住我
佢眼神彷彿流露少少唔妥 唔通又想打我 尋日已經打過（哎呀！）
個古惑仔叫做八神 佢叫我叫做八哥
佢地有時8個人 我永遠得1個
好彩佢地掟校檯 我仲可以避得開
但係佢地用校凳 一車埋黎我後尾枕
就弊啦弊啦係啦係啦係係係
呢條友仔 佢叫做上帝 佢搞乜鬼要做我出黎
搞乜鬼 一個禮拜5日攞我獻世
淨係留番禮拜六日俾我洗
一日一劑定時定候飯前飯後一年一度一到陸運會
捧唔到杯 就攞我出氣 捧到杯 就將我拋起 掟我落地
根本學校係地獄同學係魔鬼老師係魔鬼既上司個校長係撒旦唯一既天使就係屋企個BARBIE
左一拳 右一拳 我地大家揪一拳
拎轉頭 CUT！ 影大頭 得！
加埋配樂擺埋上網 唔睇唔得～（repeat 2）

陸永：今天我一早番學上課 就望到隔離位個傻仔望住我
佢既眼神彷彿告訴我唔妥我 又想俾我打鑊? 尋日已經打過
我叫八神 俾我恰個傻仔叫做八哥
我地8個人恰佢1個人好過癮 打佢果陣 無人過問
幫佢出頭 話我過份 幫我出手 有D人打得比我更加過份
因為佢地唔玩埋一份可能下次俾人打埋一份
等一陣 轉堂 又同佢開波 上BIO 教曉佢佢唔係佢細佬既哥哥
老師之前試過一次知道罰我寫大字一萬次：我以後不欺負人
咁下次我無再當佢係人 打打打打佢打佢 好似唔鬆化
我有咁好既功架都係因為啱啱睇完拳霸
仲有本漫畫 話可以打人到對面海 我最勁果次都係打到佢過對面檯

好彩 學校隔離有間機舖 間機舖唔係好雜 我日日都去補習
由拳皇98至到最新果集 我對手已經打到無哂對手
所以我真係用拳頭 打到佢真係穿頭
唉～又放學啦 都係唔番屋企 晌機舖避一避
唔想番屋企 唔想俾阿爸無緣無故又打餐死

左一拳 右一拳 多少友誼能長存～
拎轉頭 影大頭 友誼常在你我心裡～

左一拳 右一拳 我地大家揪一拳
拎轉頭 影大頭
加埋配樂擺埋上網 唔睇唔得～（repeat 2）