倉鼠無lala打交...急!!!

鼠鼠打交唔可以話無端端打,而係因為佢地本身就係獨居動物,根本唔適合同其他鼠一齊住既,只係細個既地盆意識較但,好多時年幼都未開始打(但都有例外),就係因為咁,鼠店既鼠就較少打交(但都會打,都會有打死既情況)

出現打交既情況,一定要分籠,唔係到打傷打死先唻處理就太遲了

A.我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死

我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既,由細開始養大都唔會有幫助
沖完涼再放埋一齊既方法我都試過好多次,一樣打得好勁呢
幾隻女鼠一齊我都試過,之前買左隻已懷孕鼠,生左4隻女,未戒奶都打生打死,好辛苦先捱到佢地戒奶呢

因此要明白,不嬲唔打唔代表一定唔打,打一次都可以致命,就算你當鼠鼠一齊住係50%打交(我以前一籠兩鼠就100%打),我自己認為都唔應該用鼠鼠身體去博佢唔打or唔打死,何況你既鼠已開始打,再唔分開就更危險

其實鼠鼠最好分籠,如果係唔同性別既話,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.唔知被打既鼠有冇受傷呢?有冇流血?記得檢查清楚佢地有冇事

打交受傷既處理方法如下:
1)有流血既話,用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下
愛護動物協會診所資料: Dr. Corla DeWet
http://www.spca.org.hk/chi/vet/vetclinic.html (需入會)
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

可能係發情期"

如果佢地係由細到大一直一齊養通常係唔會咁既"

建議你留意下邊隻野唔岩邊隻"快分開佢地XD"

我自己之前個兩隻一放埋一齊就打到6親不認= =

好傷架!