九成半按揭

個問題係有冇銀行可以做到9.5按揭比妳, 呢個係一個主要原因. 首先, 新樓, 除非發展商有special offer, 一般都係9成按揭. 舊樓8成已算最多. 所以妳要留意呢一點.

有關妳地倆位既收入, 9成按掃應該冇問題, 如果冇記錯的話, 按25年, 每月都只1.1萬左右. 其實, 如果我都冇記錯的話, 銀行唔會問妳有冇grant loan要還, 因為呢果係妳自己要留意既, 還佐grant loan之后, 仲有几多剩餘既錢可以比妳用於日常開支等方面.

個人都係勸告妳一句, 除非妳110%肯定呢位男朋友一定係妳以后終生既伴侶, 如果唔係110%的話, 我都係勤妳各自各儲自己0的錢先, 一段日字之后先再重新考慮過啦, 為免以后分手時好多嘢要攪.

希望可以解答到你既問題 ^ ^. 個人意見, 可以不理.

梗係唔係啦,識少少扮代表,哎呀唔係,係直頭唔識呀你,錯晒!!!
9成半按揭差唔多周街都做到,有d仲可以借足10成添,你唔知就夜晚睇宣傳易啦!渣打做,中銀做,永亨做,大眾做,只不過做法唔同,叫按揭保險.另外,按揭成數新舊樓唔係主要問題,仲要睇借錢人d料.
仲有!銀行係唔會唔睇你其他供款架!會計總支出.你呢個case,180無借9成半分25年供每月大約9500,加6000grant loan,加900私人貸款,每月總支出16400,銀行就將呢個數乘2=32800,如果你兩個總入息多過呢個數再加少少就得,35000應該冇問題.但要留意銀行仲要睇你有冇其他資產,有冇爭卡數,信貸記錄等.

將軍澳安寧花園係居屋，有房屋署擔保，所以銀行咪做到盡9成半按揭
而其他私人樓冇房屋署擔保，銀行唔會冒咁大風險做9成/9成半按揭俾你

銀行批唔批9成半按揭, 其實係要睇下你想買果層樓, 是否新樓, 因為只有較新或 10年內的樓宇銀行才會做9成或9成半按揭. 但相對地你要比既保費亦會較高, 你比半成首期, 首先你可以向各大銀行查詢一下有關物業的銀行估值, 並且查詢一下該物業能否做到9成半按揭, 再問下銀行,若打算供20年或 30年, 每月平均供款額是多少, 及扣除你的私人貸款後, 再決定你是否能應付.這樣會比較準確, 先計畫一下自己的還款能力, 才買樓會較有預算.

2007-12-04 15:57:55 補充：
當你真正要申請按揭時, 銀行是會查詢信貸資料庫, 即是你所有的信貸記錄, 都會被看到, 如果你們的信貸記錄不良, 銀行是有權拒絕按揭, 所以你最好考慮清楚,自己是否真的可以應付供樓. 以免你落了細訂後, 而最終不獲銀行批按揭, 要償訂及佣金就雙重損失了.