點解d牛呀、猴子呀，見到紅色就衝埋去o既?

首先, 牛係色盲既. 個d鬥牛勇士係用搖動斗篷既動作吸引牛既注意, 換做其他顏色既布, 相同既搖既動作, 一樣引到隻牛衝埋黎.
第二, 馬騮冇錯係睇到顏色, 原因係佢地食水果為主糧, 要知水果係咩品種, 有冇毒, 成熟未, 係需要用顏色辨別. 不過佢地唔會對紅色既野有衝動, 只係對兩大超市: 百佳同惠康既背心膠袋有衝動. 原因係太多遊客係剛剛由超市買左食物, 上來行山. 一見到購物袋, 就會估裡面既係食物. 仲有就係個d經常上山餵馬騮既人[犯法架, 唔好學!!!] 都係用超市袋來裝生果.
---
結論: 牛同馬騮係唔會攻擊紅色衫褲既人, 放心啦.
---
行山注意事項:
牛本應係好和平既動物, 要激嬲佢唔係咁易. 例如, 係牛媽面前蝦佢既牛仔, 又例如, 唔比牛食野飲水, 再用矛刺佢背脊來激佢[鬥牛者常用], 佢先至會攻擊. 咁係郊外, 冇咩可能會襲擊你既.
馬騮呢, 最緊要將食物放係背包內, 唔好徒手挽住個超市袋, d 馬騮就冇咁大機會攻擊你啦. 在下年紀幼小時係馬騮山旅行, 拿住一塊餅乾行開左, 食食下比一隻猴王夾硬搶走左塊餅, 嚇到我郁都唔敢郁. d馬騮會揀單人落手, 結伴幾個人就唔敢埋黎架啦.

其實，紅色不是動物一見就衝來的色，而是一種鮮艷的色。

動物對於鮮艷的色會以為是脅迫，就會進行反擊。

黃橙之類也可能有。