我隻肥倉逃走後揾番 ~ 要點做(佢依家好驚)!!

佢咁驚最好就係唔好理佢住,走過佬係會好驚既,由一個籠咁細既地方去到一間屋咁大既地方,又陌生又恐怖,俾D時間佢啦!

不過都要同佢沖一沖涼,同埋要檢查身體及排泄物,出走過身體會較污糟,又可能食左唔知咩野,嚇一嚇又有機會誘發疾病,所以小心D好

玩就唔好同佢玩住了,唔係一陣佢仲驚,唔攪佢住應該都唔洗好耐就出返唻玩,除非佢受到傷害啦,見你冇講應該冇事吧?
但如果佢自己出唻玩返,你伸隻手埋去佢都驚既話,你都要再俾多D時間佢,再同佢建立關係,鼠鼠受驚後會特別怕人,咁可以先隔住個籠叫鼠鼠同俾野食俾鼠鼠,慢慢俾D耐性啦

總括唻講,搵返得之後要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

其實搵得返好好彩了,人同鼠都嚇餐飽了,你都唔好太擔心吧(唔太擔心當然都要keep住留意鼠鼠狀況啦),俾心機同耐性,希望佢冇事啦!

2007-12-03 13:20:48 補充：
我放鼠出籠玩既訓練方法有d似樓下網友,但我就俾鼠鼠在桌上,詳情方法可參考以下我回答既知識(4)http://hk.knowledge.yahoo.com/question/?qid=7007103102766我就唔建議放鼠在地下咁去訓練,始終地下始終覺得唔夠衛生,加上鼠鼠好易受驚,有時唔知咩事鼠鼠都會忽然好驚,如果放左鼠鼠落地,佢忽然走左去就慘,有時圍住都會俾鼠鼠搵到位走萬一地下有咩昆蟲,鼠鼠捉唻食,又未必夠快手捉得住佢or未必睇到屋企地下都可能危機四伏,有時未必真係可以好細心了解晒所以位置對鼠鼠會唔會做成傷害

2007-12-03 13:20:55 補充：
而且習慣在地下活動既話,下次走佬又會變得一d都唔驚,愈走愈大膽,愈走愈遠,就算佢想返唻,都可能會迷路,走左出街就仲大件事所以俾我揀我寧願鼠鼠唔會慣左地面,同時加以訓練令鼠鼠知道鼠籠係最好地方,咁就安心d

2007-12-04 16:23:14 補充：
先試下放D沖涼粉俾佢行一陣,再唔得可以用布,濕少少微暖既水同佢抹,之後同佢整返乾鼠鼠掌心有小指,凹凹凸凸咁好難抹到,但唔好用清潔劑,留左D在手就大件事抹既時候小心D,唔好再俾佢走左去,鼠鼠唔會定定咁俾你抹,而且如果佢仲好驚既話,就好易抹到佢仲驚呢都要留意返係污糟定受傷

2007-12-05 00:15:19 補充：
係污糟都好D抹唔甩就要等佢自已處理等佢甩了,抹左最少佢唔會食到D好污糟既野先,好多時鼠鼠污糟都好難抹,好似D毛,鼠鼻之類,一來鼠鼠唔濕得咁多水,二來唔可以大力抹,唔係整到骨折就慘不過應該就算成隻拎去用水沖涼我諗都係洗唔甩,(咁係唔好既,鼠要用沖涼粉沖先得)以前做網頁既時候,聽人講過隻鼠肚仔黃左拎去用洗潔精洗(唔好試),都係洗唔甩,之後隻鼠冇耐仲死埋

2007-12-06 23:44:33 補充：
多謝小羊選我做最佳,send唔到信所以呢度回應你
我緊係明白你既心情,我係過份有危機感既人(所以答問題都見到我好長氣),走過第一次鼠之後,成日都發惡夢,半夜起身去toilet成日都形住隻鼠走左,好怕會踩到隻鼠,一步一小心,又會去睇下隻鼠先,就算隻鼠死左未買第隻,明明冇鼠可走,都會咁
真係走左鼠既時候,工都唔返留在家搵鼠,愈諗愈驚,有好多恐怖情境浮晒出唻,又不斷自責點解會俾佢走到,諗起都緊張
我鄰居都係有養貓,成日都會諗到走鼠有機會俾隻貓玩我隻鼠,好慘

養之前睇過資料先真係好,實在睇到有好多好多人養寵物之前咩都唔睇,想買就買,有咩事先算咁,睇到都心痛

倉鼠係鍾意四圍走，尤其在夜晚，　我隻倉鼠都試過走咗，　搵咗成晚，後來在第晚佢出來搵野食才捉番．　故後來得閒就放佢走下　（要先圍住地方，隨時可捉番佢），等佢走完就餵Ｄ糧比佢食．訓練多幾次佢就會知道籠係最好嘅地方．

而家我隻倉鼠隨時放佢係屋四圍走，叫佢名都會識得走番出嚟等你捉番佢入個籠度．不妨試下．
唔駛成日放佢係個籠度．但要小心，　因它太細小，如屋企雜物太多，或有可能整親佢．
要留意．

佢可能喜歡晚間活動姐....
你唔洗驚..佢一定會出黎.
你唔好成日望住佢就得啦~~~~