***** 代家姐問: 在澳門當老師的薪酬待遇問題...

澳門學校請人，通常都係自己請（因為大部份係私立學校），政府唔會干預，亦冇權指令學校請乜人．如果真係請唔到人，學校可能會要求政府批准佢地請外地人（因為要政府批准工作簽證），但係政府都係冇權要求學校請乜嘢人，響邊度請．

社會整體人才短缺，政府講嘅只係一個概念－本地冇人就向外求，問題係，呢個都係講法，冇任何具體方案．

要關注嘅係，自己計下啱唔啱數，澳門做教師嘅，正薪收入主要有兩大部份，一份係學校出嘅人工，一份係政府出嘅津貼，而呢份津貼主要又要睇你有乜嘢學歷（有師範或者有碩士學位以上就會多D），不過，好似冇講過外地教師都可以攞呢份津貼喎．

政府規定，如果請外勞，僱主就一定要提供住宿（或者住宿津貼），不過，人地請你，就會一個package咁同你計，要俾住宿你，就響人工度扣返（又冇最低工資保障制度），講來講去就係一條數．而且，國內大把經驗教師，人工要求一定低過香港人，要請，學校都會計過數先啦．

澳門私立學校，主要有兩大類，一類係傳統咁叫”紅底學校”，學校愛國愛同胞，要請就會傾向於向北搵，另一類係教會學校（主要係天主教），會比較重視教師品格，教友會被認為品格好D．

至於工作壓力，個人認為響邊度做嘢都一樣，教師都係人，教師嘅上司，同事，”客戶”都係人，人同人相處就有一定難度，社會越發展，人嘅品性就變得越複雜，同事難免會”自我為先”，上司，客戶又難免有所要求．受唔到壓力就好難生存．

澳門教師都係合約制（每年續約），如果自己冇準傭唔做，而學校唔同你續約，就注定要等一年，因為趕唔切搵第二間．

如果有興趣，就向學校毛遂自薦試下啦，如果想等中央統籌，就試下向教育暨青年局登記啦．






　　本局為方便學校聘用教學人員，將來函本局尋求教學職位的人數按下述課程類別予以整理，陳列於本局網頁上，以方便學校知悉各科目有多少位教學人員待聘。有意聘用教學人員的學校可聯絡本局，本局將其招聘條件轉告給適合的求職人士，由求職人士直接聯繫學校，而本局對雙方的資料均予以保密。學校如有任何查詢，請與本局教育廳聯絡，電話3972318 或電郵至 [email protected]。