香港社會收入兩極化，貧富對立的社會環境形成，是否符合中央對香港統戰的預期？

１）香港社會收入兩極化，貧富對立的社會環境形成，是否符合中央對香港統戰的預期？
唔係。起初，鄧小平係以為香港係一隻「會生金蛋嘅鵝」，先至極力收返香港之嘛。點解深圳、珠海、汕頭同埋廈門係頭果四個特區先，都係想痴金糠之嘛。

而家香港野野要阿爺照住先生存到，你話個如意算盤係咪俾阿董伯伯打爛左先？點解董伯伯一見到阿胡阿溫都頭dup dup先？點解阿胡阿溫上左台冇耐，阿董伯伯就要「一筆out消」先？咪係啲新阿公覺得董伯伯唔適合做香港嘅渣弗人囉。

而家香港搞成咁，係咪阿曾叔叔嘅功勞呀？

香港出現兩極化，唔關董伯伯同埋曾叔叔事，呢個係啲英國佬搞玫瑰園計劃埋下嘅計時炸彈黎架。 英國佬，尤其係戴太、馬生嘅手下，出左名都係「君子劍」黎架啦。信哥同彭生黎香港好叻咁舞幾招癖邪劍譜，加埋大陸果班東方腐敗黎香港耍下幾式葵花寶典，喺香港炒股、炒樓、洗黑錢，咪搵到香港泡沫咁大囉，呢個食鏍絲都係喺呢個時候黎香港出返招吸精大法咁啫。

港澳珠大橋，合和已經在９５年就已經向阿彭督多次動議喇，果陣時彭督為左自宮，唔理咋。香港樓、股泡沫，張五常早在信督年代，多次撰文提省港人喇。只可惜，香港冇令狐沖囉……

呢個董伯伯果陣時就偷練癖邪劍譜，俾胡溫拉落黎。而家阿曾叔叔，唔知練梗紫霞神功定係獨孤九劍喇。

中央嘅統戰，一切都係「穩定嘅『權力』勝於一切。」貧富對立，在三、五、七年裏面，一定唔會影響到中央的權力，暫時都仲未催化到「港人治港」的熱切期望，所以，而家雖然仲未能符合鄧伯伯嘅期望，但係，總算仲未違返中央嘅期望。


２）香港人是否要做「漢奸」，才能獲得政治和經濟上的利益？
唔一定要做「漢奸」先至可以得到政治同埋經濟上嘅利益吧。可以效發電影《無間道》嘅橋段，做「臥底」都可以發達同埋出位。

如果幫中共欺騙中國人，就係「漢奸」嘅話，咁你加入民建聯，去做「臥底」，大大聲講「六四果陣，解放軍冇血洗北京」嘅話，你都可以得到好多好多政治上同埋經濟上嘅著數個喎。如果，你連香港人都想欺騙嘅話，咁你咪去做保皇黨囉。例如，早幾日政府就分左好鬼多呢個委任區議會嘅肥位，俾民建聯同自由黨啦。你要好似泛民咁，企喺香港人果邊，咁咪一個肥位都唔俾你囉。

如果你做「臥底」，直接幫中共隱瞞中共嘅暴行嘅話，你就更加「官運享通」添。好似陳伯達呀、袁木之類嘅「臥底」，佢地不停咁幫中共講大話，所以咪升大官、發大財囉。

做「臥底」，永遠都安全過做「漢奸」。最少，喺中共同保皇黨裏面做「臥底」，唔俾坐十幾廿年政治監，唔使成日俾人扣上「反中亂港」嘅帽子，仲可以大大聲咁講「我係愛國嘅」，因為愛黨就等於愛國架啦，黨不嬲都重要過人民架啦。

孟子話：「民為貴，君為重，社稷次之。」呢啲「孔家店」嘅思想，咪係毒害人民嘅「四舊」囉。仲講呢啲「舊思想」嘅人，咪係支聯會、民主黨果啲反共嘅「反中份子」囉。

我地都一齊黎高呼：「毛主席萬歲！中國共產黨永遠是對的！」

2007-12-16 04:35:07 補充：
有咁啱，得咁橋，電腦播梗Beyond果首Amani（曲／詞／唱：黃家駒）：天　天空可見飛鳥　驚慌展翅飛舞　穿梭天際只想覓自由心　千億顆愛心碎　今天一切厄困　彷彿真理消失在地球權力與擁有的鬥爭　愚昧與偏見的爭鬥　若這裡戰爭到最後怎會是和平我向世界呼叫AMANI NAKUPENDA NAKUPENDA WE WETUNA TAKA WE WEAMANI NAKUPENDA NAKUPENDA WE WE

無錯，中共「只」是中國的一部份！
人民才是中國的「最大」部份。

加入民主黨，又可以如何「幫美國斯壓中國人」呢？