請問我想做心理e生有咩途徑??(詳盡)

如果照你咁講，你真係好似一個廢人咁，冇可能考到大學嘅喎，就算俾你考到都讀唔到畢業啦．

鍾意幫人分析，或者有第六感，可以估得好準，唔代表你有資格做心理醫生（或者應該叫心理學家先啱），心理醫生嘅工作唔係咁簡單，要有好多學理知識支持佢所做嘅嘢架．

真係要讀心理，首先你要做嘅就係俾心機讀中學，追成績，起碼讀到畢業先有資格考大學架．仲有就係，呢個世界呢，有興趣就俾心機，冇興趣就唔理，咁係唔得架，你成績唔好，我惗唔係完全因為你冇記性或者天資低，而係你根本冇俾心機去讀書．

響你俾心機讀書，成績追到中上水準，咁就有一個方法可以易D入到心理學系可以同你分享下嘅．

台灣嘅政治大學你有冇聽過？佢出名易轉系（一年級升二年級嗰陣），政大心理唔算易入，但係政大其他系唔算難入（特別係”阿拉伯語文學系”就更加冇人同你爭），即係話，如果你真係要讀心理學，咁你中學畢業就去考台灣，考唔到直入大學，或者入唔到心理學系，咁就入僑大先修班讀一年，讀完揀政大黎入，入到政大之後，俾心機讀一年（真係要俾心機呀，因為好關鍵架），如果成績夠好，就可以申請轉心理學系．

其實這世上根本沒有"心理醫生"呢個job title ga.
我諗你指的是「臨床心理學家」或「精神科醫生」或「心理治療師」

「臨床心理學家」-- 要先於大學學士時主修心理學或相關課程，成績好, 再報讀臨床心理學的碩士。有相關工作經驗較佳。現時香港只有港大及中大有此碩士課程。而且心理學學士的入讀分數一般有A或B, 英文要好, 因為要讀很多文獻及參考書。當然你也可讀一些相關課程, 如社工、其他醫護科目較佳, 再一級一級讀上去。

「精神科醫生」-- 要讀醫科

「心理治療師」-- 在海外讀

你也可以考慮做「社工」或「輔導員」, 工作也包括輔導及助人分析問題。