請問點樣可以將香港的二手車運返中國大陸呢？

如果行正途，有一定難度．

首先國家唔鼓勵進口，更加唔鼓勵進口”舊嘢”（自己有得生產，舊嘢又cheap又冇效益）．

如果係新嘢，進口之前要交齊文件，俾佢哋估值，估稅，貨到要由佢地檢查，睇下同文件係唔係相符，然後核實，計稅，俾稅（包括進口稅同增值稅），海關先會放行，你先可以提貨．

如果係舊嘢，基本上唔會批，如果舊嘢當新嘢報，查到就好大鑊（輕則退運，重則罰款拉人），而且稅都高吖，唔啱數喎．

如果當廢鋼入口，咁就唔同，因為鋼係稀有資源，入口對國家有好處，所以只要俾足稅，就會批，問題係，廢鋼點上牌呢？如果有把炮，可以響某地上到牌，咁走私車上去都上到牌啦，點解要申報俾稅呢？

而家響大陸買國產車（日本牌子）都唔係好貴，冇必要咁做吖，真係想要上二手車，可以考慮響澳門買二手車，搞個兩地牌（澳門搞個兩地牌平過香港好多），揸上大陸用．

2007-12-06 22:31:29 補充：
無錯，理論上兩地牌唔可以離開廣東省（以前中澳兩地牌只可以響珠海，中山範圍之內揸，連廣州都唔俾去，放寬咗可以去勻廣東省都係幾年咋），不過，過界揸車基本上冇人理（特別係去你嘅勢力範圍，就算出意外都冇事，只要照賠就得，當然唔建議過界揸車啦）．唔使強調有幾多國／地區車牌（四個唔算好多，而且都係中國範圍內）．

運五運到上大陸是一個問題，就算比你運到上去都上五到牌。因為內地起好多年前已經禁止左在軑車上牌。

我補充一下
其本上兩地牌的車是有一定的行駛範圍 其本上是唔可以離開廣東省的

2007-12-17 22:08:20 補充：
唔使強調有幾多國／地區車牌（四個唔算好多，而且都係中國範圍內）
本人並非強調 第一 台灣駕照不一定人人可以拿ok? 第二 強調有多地駕照是指本人有在不同地區駕駛的經歷
為甚麼本人的回答會刪掉?
還有 掛有兩地牌的車開放行駛全廣東省已經有一段長時間了...
本人有四個駕照不是多 但是未知樓主有幾多個?