泰國有咩好玩?好吃?～急

✔ 最佳答案

地道小吃:
我曾經在華欣的街頭找到一個小販阿伯推住手推車仔賣雪榚的. D個阿伯的雪榚好特別, 佢係會用一塊白方飽再包住一個雪榚球賣比你的, 而且D雪榚球有好多種味道比你揀及非常衛生的, 所有白方飽都會用有蓋的器皿裝好, 雪榚是用雪櫃裝住的, 所以大可以放心食用. 方飽雪榚每個只售5蚊泰株, 應真抵食及值得一試的. 由於該阿伯是一個推住車仔賣雪榚的流動小販, 每日的擺檔位置都會唔同及時常四處走位的, 能否見到他就要靠你自己的運氣喇!
另外曼谷 OR芭堤雅的街頭到了晚上會有好多小販推住手推車仔賣食物的, 當中最好食的有:
1. 炭燒雞柳串: D醬汁非常好味, 肉質唔會韌
2. 泰式豆漿: 豆漿內面加了西米及耶果等材料
3. 車仔麵: D麵條加入了泰國香料-班蘭葉的汁液製造, 食起黎好香味的. (班蘭葉的麵條由於在製造時加了班蘭葉的汁液, 所以會變成綠色的. 但絕對是天然成份, 沒有加任何人工色素落去. 可以安心食用的)
4. 有一種泰國小食, 但不知道是什麼名字的. 它的外層是類似香港懷舊小食-糖蔥餅的餅皮, 然後包住一些類似龍鬚糖的物體來食. 佢既味道係甜甜地, 食起黎的口感好特別.
5. 泰式奶茶: 佢既奶茶係用紅茶+練奶來沖的. 味道會比較甜, 色澤多數呈橙色的, 有別於香港的奶茶.
6. 曼谷唐人街的炭燒大頭蝦及炭燒青口.
6. 位於曼谷唐人街的林真香出產的各種小食.
最好玩的:

我覺得在芭堤雅潛水是最好玩的.
你可以在芭堤雅Hard Rock Hotel對出的海灘, 找一些快艇艇家帶你出海找一架專門玩潛水的船, 船上會有專業潛水員及潛水用具的.
果D專業潛水員會比一對海底用的安全鞋及一隻勞工手套給你作保護之用, 然後幫你帶上有氧氣供應的頭盔後, 便帶你去一些4-5米深的海底慢步, 而且可以觸摸一些海參&海膽, 更可以近距離接觸珊瑚(不過珊瑚是受保護的品種, 只可觀望, 不可觸摸的). 潛水員亦會為你安排一袋白方飽給你在水底喂魚的, 不過當你喂魚及觸摸海膽OR海參時, 必須帶上潛水員給你的勞工手套, 以免整傷手指. 你更可以要求潛水員幫你係水底拍照, 影底你在水底喂魚的情況.
至於收費方面唔係好記得, 因為是我班Friend負責比錢的. Hard Rock Hotel對出的海灘有好多快艇艇家的, 你可以問多幾個艇家的收費夾下價先再作決定都未遲, 你亦可以試下講價的.

P.S.: 當你潛至4-5米深的海底時, D陽光光線仍然好充沛, 所以不需要擔心會好黑睇唔到野的問題. 頭盔方面: 在船上你拿起它時會覺得好重, 不過當你下水時, 水位去到條頸先至帶上頭盔便會覺得頭盔很輕, (因為水的浮力問題), 所以唔好驚頭盔會很重. 另外, D魚會啄你的手臂OR腳的, 個感覺好特別及唔會痕養的. 議行程:

泰國建議行程:
DAY 1:
落機後去酒店CHECK IN及放抵所有行李後, 可以去遊覽湄南河, 傍晚去四面佛及附近的大型購物中心SHOPPING. 如果持有旅遊證件去大型購物中心SHOPPING, 可以申請退稅的, 詳情請在付款時向收銀員查詢, 他們會好樂意教你怎樣辦理的.

DAY 2:
如果D一日你星期六OR星期日的話, 早上可以去翟道翟跳蚤市場. (翟道翟逢WEEK END才開門做生意的). 翟道翟的地方好大, 可以行足一天的. 入面佢分了好多個不同的區域, 如服裝區/家庭用品區/手工藝品區....等. 所以你去到翟道翟的時候, 可以在大門口或各主要通道睇左地圖先, 然後按自己想要買什麼or睇什麼來決定去邊個區域的先後次序. 不過去翟道翟的話, 要帶備足夠的飲用水/帽及防曬用品, 因為翟道翟在中午時份會好曬及好熱的, 所以要帶齊以上的物品以防中暑. 傍晚可以去Let's Relax做spa, 我之前幫襯過Let's Relax, 佢地既師傅的手勢及服務態度都唔錯, 而且環境舒適乾淨. 不過最好去做之前打個電話去預約左先, 因為佢有好多人去幫襯的, 如果沒有預約的話就上左去的話, 可能未必即時安排到師傅幫你做spa的. 你可以去Let's Relax的網站睇到佢既地址/電話及價目表: http://www.bloomings pa.com/index.php 做完spa後, 可以去Let's Relax附近的Baan Saranrome食晚飯. 這間飯店是以五世皇時代佈置為主題的泰國餐廳. 地址: 10/9-10 Sukhumvit Soi 39,Bangkok. Tel: 662-2602787 營業時間5:00pm-10:00pm

DAY 3:
D一日可以去泰國夢幻樂園(Dream World)玩機動遊戲及影相, 園內有好多得意別緻的3D公仔(有D有成個人咁大的)供遊人影相. 你可以去Dream World的網站睇下點樣去: http://www.dreamworl d-th.com/english/ind ex.php 如果玩完泰國夢幻樂園, 你亦都可以去Safari World理生動物世界睇動物的, 有關這個野生動物園的資料可參閱其網站:
www.safariworld.com 晚上可以去唐人街行食晚飯, 果度的海鮮及魚翅都唔錯, 而且林真香的鋪位都係位於唐人街的, 食完飯可以去林真香買一些肉乾或者泰國特產做手信. 如果你買完林真香手信仲想行多一陣街, 但又拿住一袋二袋唔方便的話, 可以要求林真香提供免費送貨服務(當然是要買了一定數量及酒店位於曼谷市內才可以送貨, 數量方面: 我上次夾埋我D FRIEND都夠架啦), 佢地會將你所買的手信送到去你所住的酒店大堂後交給酒店職員保管住先. 當你回到酒店之後, 酒店職員便會交番D野比你的. 不過你大可以放心, 林真香的老板是懂得講廣東話的, 所以你只要比你既酒店名稱及房間號碼佢,佢就會識得送去酒店, 根本唔駛擔心溝通唔到的問題.

DAY4-DAY6: 去芭堤雅享受陽光與海灘.

DAY 7:
由於唔知道你班機係幾點起飛, 所以唔會建議你可玩, 最多只係去機場附近Shopping.

You can vist this web-site to get more Thailand Travel informations: http://www.thailandf ans.com/second.html

回答 (2)