我想我剛出世的女兒受洗成為天主教教徒, 有如下的問題

你家陣0既情況
你個女係冇可能響香港領洗0既
我建議你或者你太太去聖堂報名參加慕道班
大部分聖堂通常響九月份會開新班
若果你2008年9月開始慕道
2010年復活節多數都可能領洗
到時你位千金可能跟埋你一齊領洗架

讀書係十幾年既事, 信仰係一個人一輩子既事. 你的想法是本末倒置了.
教會接受嬰兒領洗既首要條件, 係父母要答應係孩子成長路上一直比指導教晦, 培育佢成為一個教友. 你自己同太太都唔係教友, 點叫教會相信你懂得和承諾培育佢呢? 所以, 首先你和你太太要成為天主教徒, 接受培訓, 至識得培育你既女兒, 係咪? 如果你地唔信, 唔想入教, 要勉強你地講d你地自己唔接受既教理比個女聽, 身體力行比佢睇, 真係天方夜譚... 搵人信都得啦.
閣下既然自細係教會學校接受教育, 應該好清楚唔係教徒都可以讀教會學校既. 報返你既舊校, 作為校友派位已經加5分, 孩子身為教友都只係加5 分, 差唔幾. 你地身為父母唔想入教, 就唔好搵小朋友來亂攪, 唔值得.
當然, 如果你真心覺得 [深深希望女兒能從一出世開始已經可以得到天父的父蔭, 在祂的引領下成長], 為左個女, 你地要作好準備, 今日就去加入成人慕道班, 試下係咪適合自己. 如果你同太太都接受到呢個[任命], 大約2年到就可以入教. 到時bb女亦可以同日領洗. 佢既將來就靠你倆.
先建立好一個公教家庭既環境, 先至可以為左個女既成長作好準備, 接受天父既父蔭.
請參看另一位網友早前既回答:
http://hk.knowledge. yahoo.com/question/? qid=7007101101857 by 白海豚

首先,你是不是教友?
是的,而父母雙方同意,你的女兒就可以領嬰兒洗禮,然後到她10歲左右可以入慕道班然後領堅振聖事
不是教友,你的女兒就應該不能夠領嬰兒洗禮,除非你全家一齊領洗入教就可以,否則應該不能

究竟有甚麼方法可令女兒受洗呢?
到她懂性(18歲之前)後可以讓她入慕道班2年後得父母同意下可以在復活節安排領洗
如果年齡適合可同時領堅振聖事
又或是她18歲過後要領洗就必須出至佢個人意願,父母沒有權力要她領洗入教


注意:如果你係教友,你要帶埋你既結婚証書同埋領洗紙去搵你堂區既神父,同埋你要為她找一位代父母

父母的教導對子女的信仰生活是有莫大的幫助。想問你們夫婦有沒有想過領洗呢？ 成人慕導一般為期一年半。請看http://hk.knowledge.yahoo.com/question/?qid=7007092205588

你可以考慮一家人在復活節一起領受入門聖事。